ឯកឧត្តម ម៉ាត់ សេត អញ្ជើញជួបសំណេះសំណាលជាមួយប្រជាពលរដ្ឋ ១០០គ្រួសារ នៅឃុំចុងក្រៀល ស្រុកទឹកឈូ
ភ្នំពេញ៖ ឯកឧត្តម ម៉ាត់ សេត សមាជិកគណៈកម្មការទី៧នៃរដ្ឋសភា និងជាតំណាងរាស្ត្រមណ្ឌលខេត្តកំពត ឯកឧត្តម សេន សាប៊ីល អភិបាលរងខេត្តកំពត នាថ្ងៃទី១៦ ខែមេសា ឆ្នាំ២០២៤ បានអញ្ជើញជាអធិបតីក្នុងពិធីសំណេះសំណាលសាកសួរសុខទុក្ខ និងចែកអំណោយ ជូនដល់គ្រួសារជួបការលំបាកចំនួន ១០០គ្រួសារ ស្ថិតនៅភូមិកំពង់កណ្តាល ឃុំចុងក្រៀល ស្រុកទឹកឈូ ខេត្តកំពត។
ពិធីនេះមានការអញ្ជើញចូលរួមពី លោកប្រធានគណៈអ៊ីមាំក្រុងបូកគោ លោកចៅសង្កាត់ អាជ្ញាធរមូលដ្ឋាន គ្រូបង្រៀនខ្មែរឥស្លាម ក្រុមការងារសម្ព័ន្ធយុវជនមូស្លិមកម្ពុជាខេត្តកំពត យុវជន ស.ស.យ.ក និងប្រជាពលរដ្ឋចូលរួមយ៉ាងច្រើនកុះករ។
អំណោយដែលផ្តល់ជូនប្រជាពលរដ្ឋចំនួន១០០គ្រួសារ ដោយក្នុង១គ្រួសារទទួលបាន អង្ករចំនួន១០គីឡូក្រាម មីជាតិចំនួន១កេស ស្ករសចំនួន១គីឡូក្រាម ប្រេងឆាចំនួន១ដប ត្រីខចំនួន៥កំប៉ុង ដែលជាជំនួយសប្បុរសជននៃប្រទេសអូស្ត្រាលី តាមរយៈអង្គការមូលនិធិអភិវឌ្ឍន៍និស្សិតឥស្លាមកម្ពុជា ៕
