ក្រុមការងារអធិការកិច្ច នៃអគ្គនាយកដ្ឋានគាំពារបរិស្ថាន សហការជាមួយមន្ទីរបរិស្ថានខេត្តស្ទឹងត្រែង និងមន្រ្តីឧទ្យានុរក្សតំបន់រ៉ាមសាស្ទឹងត្រែង ចុះពិនិត្យស្ថានភាពគុណភាពទឹកទន្លេមេគង្គនៅខេត្តស្ទឹងត្រែង នៅតំបន់ព្រំដែនកម្ពុជា-ឡាវ

ភ្នំពេញ៖ នៅថ្ងៃទី៩ ខែមេសានេះ ក្រុមការងារអធិការកិច្ចនៃអគ្គនាយកដ្ឋានគាំពារបរិស្ថាន ដឹកនាំដោយលោក ជូ មុនីដារិន អគ្គនាយករង សហការជាមួយមន្ទីរបរិស្ថានខេត្តស្ទឹងត្រែង មន្រ្តីឧទ្យានុរក្សតំបន់រ៉ាមសា ស្ទឹងត្រែង បានចុះធ្វើការពិនិត្យស្ថានភាពគុណភាពទឹកទន្លេមេគង្គនៅខេត្តស្ទឹងត្រែង ស្ថិតនៅតំបន់ព្រំដែនកម្ពុជា-ឡាវ ដោយក្នុងនោះ ក្រុមការងារបានធ្វើដំណើរតាមទូក ដើម្បីចុះយកសំណាកទឹក និងធ្ចើការវាស់ស្ទង់កម្រិត pH DO និងDTS។ ជាលទ្ធផលឃើញថា៖

1/នៅចំណុចទីតាំងអន្លង់មរកត៖ ទីតាំងនេះ នៅចន្លោះអូស្វាយនិងកោះឈើទាលធំ (ជម្រៅខែ ទឹកឡើង ប្រហែល 70ម ) ទឹកទន្លេមានជម្រៅប្រមាណ10ម (ថ្ងៃទី9/04/2024) និងស្ថិតក្នុងស្ថានភាពធម្មតា ពុំមានបញ្ហាគួរឲ្យស័ង្សយទេ ដោយកម្រិត PH = 7.9 DO=6.32 mg/L និង TDS=0.382g/L។

2/នៅចំណុចទីតាំងក្បាលកោះបន្ទាយ៖ ទីតាំងនេះ ស្ថិតចន្លោះក្បាលកោះឈើទាលធំ និង កោះល្ង (លើបន្ទាត់ព្រំដែន) ទឹកទន្លេមានជម្រៅប្រមាណ7ម (ថ្ងៃទី9/04/2024) ទឹក និងមានលក្ខណៈធម្មតា ដោយ PH= 8 DO=6.0mg/L និងTDS=0.380g/L។

3/នៅចំណុចទីតាំងក្បាលកោះល្ងរ (ស្ថិតចំណុចខាងលើបន្ទាត់ព្រំដែន) ទឹកមានជម្រៅប្រមាណ2ម (ថ្ងៃទី 9/04/2024)។ និងមានលក្ខណៈធម្មតា ដោយ PH=8.1 DO=6.8 mg/L និងTDS=0.383g/L។

4/នៅចំណុចទីតាំងអន្លង់ស្វាយ៖ ស្ថិតក្នុងភូមិអន្លង់ស្វាយ ឃុំព្រះរំកិល (ចំណុចខាងលើបន្ទាត់ព្រំដែន) ទឹកទន្លេមានជំរៅប្រមាណ 1ម (ថ្ងៃទី9/04/2024) និងមានលក្ខណៈធម្មតា ដោយ PH=8.03 DO=10mg/L និងTDS=0.384g/L។
ក្រុមការងារនឹងបន្តចុះតាមដានគុណភាពទឹកនៅខ្សែទឹកខាងក្រោមបន្តទៀត។