អង្គភាពកងពលតូចអន្តរាគមន៍លេខ៨ ប្រកាសចងសម្ព័ន្ធមេត្រីភាព ជាមួយធនាគារអភិវឌ្ឍន៍ជនបទ និងកសិកម្ម
ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយក អគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាមេបញ្ជាការរងកងទ័ពជើងគោក បានអញ្ជើញជាអធិបតីភាពប្រកាស នៅក្នុងពិធីចងសម្ព័ន្ធមេត្រីភាព រវាងកងពលតូចអន្តរាគមន៍លេខ៨ ចំណុះកងពលធំអន្តរាគមន៍លេខ៣ ជាមួយធនាគារអភិវឌ្ឍន៍ជនបទ និងកសិកម្ម (ARDB) ។
ពិធីនេះក៏មានការចូលរួមពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តម នាយឧត្តមសេនីយ៍ ខេង សុមេធ អគ្គស្នងការរង ទទួលដឹកនាំការងារនាយកដ្ឋានកណ្តាលកិច្ចការព្រំដែន និងទទួលទិសភូមិភាគទី៣, ៤, និងទី៥, ឯកឧត្តម គីម រិទ្ធី អភិបាលខេត្តព្រះវិហារ, ឯកឧត្តម ឧត្តមសេនីយ៍ ស្រី ឌឹក មេបញ្ជារការ កងពលធំអន្តរគមន៍លេខ៣ រួមនឹងថ្នាក់ដឹកនាំ នាយទាហ៊ាន ពលទាហ៊ាន ជាច្រើនរូបផ្សេងទៀតផងដែរ។
នៅក្នុងឱកាសនោះ ឯកឧត្តមបណ្ឌិត កៅ ថាច បាន នាំយកអំណោយ និងសម្ភារៈ អង្ករក៏ដូចជាថវិកាមួយចំនួន ដើម្បីប្រគល់ជូនដល់កងពលតូចអន្តរាគមន៍លេខ៨ ដើម្បីទុកប្រើប្រាស់ និងដោះស្រាយការងារចំពោះមុខ៕
