សេអ៊ូល៖ ប្រព័ន្ធផ្សព្វផ្សាយកូរ៉េខាងត្បូង បានរាយការណ៍នៅថ្ងៃអង្គារនេះថា ប្រទេសកូរ៉េខាងជើងបានដឹកជញ្ជូនអាវុធប្រមាណ ៦.៧០០កុងតឺន័រ ទៅកាន់ប្រទេសរុស្ស៊ី ចាប់តាំងពីខែកក្កដា ដើម្បីគាំទ្រដល់សង្គ្រាមរបស់ខ្លួនប្រឆាំងនឹងអ៊ុយក្រែន ដែលជាសញ្ញានៃការផ្ទេរអាវុធដែលកំពុងបន្ត។
នៅក្នុងសន្និសីទសារព័ត៌មានកាលពីថ្ងៃចន្ទសម្រាប់ប្រព័ន្ធផ្សព្វផ្សាយក្នុងស្រុក រដ្ឋមន្ត្រី Shin Won-sik បានឲ្យដឹងថា កុងតឺន័រអាចផ្ទុកកាំភ្លើងធំជាង ៣លាន ១៥២មីលីម៉ែត្រ ឬ ៥០០,០០០ ១២២មីលីម៉ែត្រ។
លោក Shin បានបន្តថា វាអាចជាការលាយបញ្ចូលគ្នានៃទាំងពីរ ហើយអ្នកអាចនិយាយបានថា យ៉ាងហោចណាស់មានសំបកជាច្រើនលានត្រូវបានបញ្ជូន នេះបើយោងតាមទីភ្នាក់ងារសារព័ត៌មាន Yonhap។
លោកបានបន្ថែមថា រោងចក្រគ្រាប់បែកកូរ៉េខាងជើងរាប់រយកំពុងដំណើរការក្នុងរង្វង់ប្រហែល ៣០ភាគរយ នៃសមត្ថភាពរបស់ពួកគេ ដោយសារកង្វះវត្ថុធាតុដើម និងអគ្គិសនី ប៉ុន្តែរោងចក្រផលិតគ្រាប់កាំភ្លើងធំសម្រាប់ប្រទេសរុស្ស៊ីកំពុងដំណើរការយ៉ាងពេញទំហឹង ដោយមិនបានបញ្ជាក់លម្អិតពីប្រភពនៃគ្រាប់រំសេវនេះទេ។
ទីក្រុងសេអ៊ូល និងទីក្រុងវ៉ាស៊ីនតោន បានចោទប្រកាន់ទីក្រុងព្យុងយ៉ាង និងទីក្រុងមូស្គូ ពីការជួញដូរអាវុធ ហើយបានថ្កោលទោសកូរ៉េខាងជើង ដែលបានផ្គត់ផ្គង់សព្វាវុធដល់រុស្ស៊ី សម្រាប់ប្រើប្រាស់ប្រឆាំងនឹងអ៊ុយក្រែន។ ប្រទេសទាំងពីរបានបដិសេធទោះបីជាពួកគេបានសន្យាពង្រឹងកិច្ចសហប្រតិបត្តិការយោធាក៏ដោយ។
ក្រសួងការបរទេសសហរដ្ឋអាមេរិក នៅក្នុងរបាយការណ៍មួយដែលបានចេញផ្សាយនៅថ្ងៃសុក្រនេះ បានឲ្យដឹងថា ប្រទេសកូរ៉េខាងជើងបានប្រគល់កុងតឺន័រគ្រាប់បែក ឬសម្ភារៈពាក់ព័ន្ធជាង ១០,០០០ ទៅឱ្យប្រទេសរុស្ស៊ីចាប់តាំងពីខែកញ្ញា។
ជាថ្នូរនឹងគ្នា កូរ៉េខាងជើងបានទទួលកុងតឺន័រចំនួន ៩,០០០ ដែលភាគច្រើនផ្ទុកអាហារ ដោយលោក Shin បានឲ្យដឹងថា បានជួយរក្សាស្ថិរភាពតម្លៃនៅទីនោះ។
មន្ត្រីម្នាក់នៅក្រសួងការពារជាតិរបស់ទីក្រុងសេអ៊ូល បានបញ្ជាក់ថា ខ្លួនមិនអាចបញ្ជាក់ពីចំនួននេះទេ ប៉ុន្តែបានដកស្រង់សម្តីលោក Shin ដែលនិយាយថា រុស្ស៊ីបានបញ្ជូនកុងតឺន័រជិត ៣០ភាគរយ បន្ថែមទៀតចាប់តាំងពីខែកក្កដាទៅកូរ៉េខាងជើង ជាងការដឹកជញ្ជូនដែលកូរ៉េខាងជើងបានបញ្ជូន។
លោក Shin បានបន្តថា ប្រទេសកូរ៉េខាងជើងអាចបាញ់បង្ហោះផ្កាយរណបមួយផ្សេងទៀតនៅដើមខែក្រោយនេះ ខណៈដែលទីក្រុងមូស្គូនៅតែបន្តផ្តល់ជំនួយបច្ចេកទេស ហើយទីក្រុងព្យុងយ៉ាងក៏បានស្នើសុំជំនួយជាមួយនឹងយន្តហោះ និងបច្ចេកវិទ្យាឧបករណ៍ចល័តដីផងដែរ។
ប្រភេទ៖ US News
ប្រែសម្រួលដោយ៖ ឡាយ លីហួ
