ឧត្តមសេនីយ៍ឯក សុខ វាសនា ដឹកនាំកិច្ចប្រជុំសំណះសំណាលជាមួយកីឡាករក្លឹបបាល់ទាត់អន្តោប្រវេសន៍មានជ័យ

ភ្នំពេញ៖ នាព្រឹកថ្ងៃអង្គារ ៣ រោច ខែមាឃ ឆ្នាំថោះបញ្ចស័ក ពុទ្ធសករាជ២៥៦៧ត្រូវនឹងថ្ងៃទី២៧ ខែកុម្ភៈ ឆ្នាំ២០២៤ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ និងជាប្រធានក្លឹបអន្តោប្រវេសន៍មានជ័យ បានអញ្ជើញដឹកនាំកិច្ចប្រជុំសំណះសំណាល់ជាមួយកីឡាករក្លឹបបាល់ទាត់អន្តោប្រវេសន៍មានជ័យ ដែលមានការអញ្ចើញចូលរួមពី ឯកឧត្តមអគ្គនាយករង លោក-លោកស្រីប្រធាននាយកដ្ឋានពាក់ព័ន្ធ។

ជាកិច្ចចាប់ផ្ដេីមឯកឧត្តម នាយឧត្តមសេនីយ៍ ឃុន សំបូរ អគ្គនាយករង និងជាអនុប្រធានក្លឹបដឹកនាំក្រុមកីឡាករក្លឹបអន្តោប្រវេសន៍មានជ័យ ឡេីងអានរបាយការណ៍អំពីសកម្មភាពហ្វឹកហាត់និងការប្រកួតសាកល្បង ជួនឯកឧត្តមប្រធាន និងអង្គពិធីជ្រាប។

នាឱកាសនោះឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ និងជាប្រធានក្លឹបអន្តោប្រវេសន៍មានជ័យបានមានប្រសាសន៍ថា បន្ទាប់ពីការងារជំនាញផ្សេងៗអគ្គនាយកដ្ឋានអន្តោប្រវេសន៍បានចូលរួមក្នុងសង្គមដូចជាកីឡាបាល់ទាត់នេះក៏ជាផ្នែកមួយក្នុងការលេីកតម្កេីងរៀបចំ និងការអភិវឌ្ឍនរបស់ប្រទេសកម្ពុជាបន្តទៅមុខទៀត។

ឯកឧត្តម ឧត្តមសេនីយ៍ឯក បន្តលើកឡើងទៀតថាអគ្គនាយកដ្ឋានអន្តោប្រវេសន៍នឹងត្រៀមចូលរួមកីឡាផ្សេងៗទៀតក្នុងការចូលរួមសកម្មភាពក្នុងសង្គមនះក៏ដោយសារតែប្រទេសកម្ពុជាកំពុងមានការរីកចំរេីនខ្លាំងនាពេលបច្ចុប្បន្នេះន។

ឯកឧត្តម ឧត្តមសេនីយ៍ឯក អគ្គនាយក បន្តទៀតថា ចំពោះមន្រ្តីរបស់អគ្គនាយកដ្ឋានអន្តោប្រវេសន៍អាចចូលរួមបំពេញបន្ថែមបានតាមនាយកដ្ឋានចំណុះនៃអគ្គនាយកដ្ឋាន បង្កើតជាក្រុមនីមួយៗ ធ្វេីការប្រកួតជាប្រចាំនៅក្នុងអគ្គនាយកដ្ឋានអន្តោប្រវេសន៍ ដេីម្បីត្រៀមរៀបចំចូលរួមប្រកួតជាមួយអគ្គនាយកដ្ឋានចំណុះនៃក្រសួងមហាផ្ទៃនាឆ្នាំខាងមុខបន្តបន្ទាប់ទៀត។

ឯកឧត្តម ឧត្តមសេនីយ៍ឯក អគ្គនាយក បានបញ្ជាក់ថា ការចូលរួមចំណែកក្នុងការលេងកីឡានេះក៏ជាផ្នែកមួយបង្ហាញពីសមត្ថភាព សុខភាពរបស់មន្រ្តីដេីម្បីបន្តពង្រឹងការងារជំនាញរបស់ខ្លួនក្នុងការបម្រេីការងារក្នុងអគ្គនាយកដ្ឋានអន្តោប្របវេសន៍បន្ថែមទៅមុខទៀតដែល។

ជាចុងបញ្ចប់ឯកឧត្តម ឧត្តមសេនីយ៍ឯក បានថ្លែងអំណរគុណចំពោះ ឯកឧត្តមអនុប្រធានក្លឹបដែលបានចំណាយពេលវេលាក្នុងការៀបចំក្រុមកីឡាករបាល់ទាត់ក្លឹបអន្តោប្រវេសន៍មានជ័យនេះឡេីង ព្រមទាំងក្រុមកីឡាករទាំងអស់ដែលបានចូលរួមនិងចំណាយពេលវេលារបស់ខ្លួនក្នុងការហ្វឹកហាត់ ដេីម្បីត្រៀមចូលរួមការប្រកួតដណ្ដេីមពាន់រង្វាន់បាល់ទាត់ក្រសួងមហាផ្ទៃលេីកទី១ ខែមីនា ឆ្នាំ២០២៤ខាងមុខនេះ ៕