លោក ញ៉ឹប សុភិន ហៅបារមីគ្រូឥណ្ឌា ១២ភាសា ចុះកិច្ចសន្យាបញ្ឈប់ថតផ្សាយផ្ទាល់ពេលទស្សទាយ និងឈប់ផ្សាយវីដេអូសូត្រធម៌ មិនមានប្រភពច្បាស់លាស់
ភ្នំពេញ៖តាមរយៈទំព័រហ្វេសប៊ុកផ្លូវការរបស់ខ្លួន, ក្រសួងធម្មការនិងសាសនា បានផ្សព្វផ្សាយកំណត់ហេតុនៃការចុះកិច្ចសន្យារបស់លោក ញ៉ឹប សុភិន ហៅបារមីលោកគ្រូឥណ្ឌា ១២ ភាសា ចុះកិច្ចសន្យាជាមួយមន្ទីរធម្មការនិងសាសនារាជនាធីភ្នំពេញ ដោយសន្យាថាមិនថតផ្សាយផ្ទាល់ពេលទស្សទាយនិងមិនផ្សព្វផ្សាយវីដេអូសូត្រធម៌ដែលមិនមានប្រភពច្បាស់លាស់ទៀតឡើយ។
ក្រសួងធម្មការនិងសាសនាបានអំពាវនាវដល់អ្នកប្រើប្រាស់បណ្តាញទំនាក់ទំនងសង្គមបញ្ឈប់ការបង្ហោះវីដេអូចាស់ៗកន្លងទៅឬវីដេអូថ្មីៗ ពាក់ព័ន្ធនិងគ្រូបារមី គ្រូអូមអាមផ្សេង ប្រសិនបើមិនបញ្ឈប់ទេ សាមីខ្លួននឹងត្រូវប្រឈមមុខនឹងវិធានការតាមផ្លូវច្បាប់ជាធរមាន ៕
