ឧបនាយករដ្ឋមន្ត្រី ហង់ជួន ណារ៉ុន ដឹកនាំកិច្ចប្រជុំអន្តរក្រសួង ដើម្បីត្រៀមចូលរួមប្រជុំកំពូល 19th NAM Summit និង3rd South Summit G77 នៅអ៊ូហ្គាន់ដា

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី៣ ធ្នូ បានដឹកនាំកិច្ចប្រជុំអន្តរក្រសួង ដោយមានការចូលរួមពី ឯកឧត្ដម លោកជំទាវ ជាថ្នាក់ដឹកនាំ ក្រសួងអប់រំ យុវជន និងកីឡា តំណាងក្រសួងការបរទេស ក្រសួងសេដ្ឋកិច្ច និងហិរញ្ញវត្ថុ ក្រសួងផែនការ និងមន្ត្រីពាក់ព័ន្ធដើម្បីត្រៀមចូលរួមកិច្ចប្រជុំកំពូលថ្នាក់ប្រមុខរដ្ឋ/រដ្ឋាភិបាលនៃចលនាមិនចូលបក្សសម្ព័ន្ធលើកទី១៩ (19th NAM Summit) និងកិច្ចប្រជុំកំពូលលើកទី៣ នៃក្រុមប្រទេសកំពុងអភិវឌ្ឍន៍ G-77 ដែលប្រព្រឹត្តិទៅចាប់ពីថ្ងៃទី១៥ ដល់ថ្ងៃទី២៣ ខែមករា ឆ្នាំ២០២៤ នៅទីក្រុងកាំប៉ាឡាសាធារណរដ្ឋអ៊ូហ្គាន់ដា។

កិច្ចប្រជុំកំពូលនេះរៀបចំឡើងដោយអង្គការសហប្រជាជាតិក្នុងកិច្ចសហការជាមួយសាធារណរដ្ឋអ៊ូហ្គាន់ដានឹងរៀបចំកិច្ចប្រជុំសំខាន់ៗរួមមាន៖

១). កិច្ចប្រជុំថ្នាក់ឧត្ដមមន្ត្រី NAM ពីថ្ងៃទី១៥ ដល់ថ្ងៃទី១៦ ខែមករា ឆ្នាំ២០២៤
២). កិច្ចប្រជុំថ្នាក់រដ្ឋមន្ត្រី NAM ពីថ្ងៃទី១៧ ដល់ថ្ងៃទី១៨ ខែមករា ឆ្នាំ២០២៤
៣). កិច្ចប្រជុំកំពូលNAM លើកទី១៩ ចាប់ពីថ្ងៃទី១៩ ដល់ថ្ងៃទី២០ ខែមករា ឆ្នាំ២០២