ភ្នំពេញ៖ ផ្តើមទំព័រថ្មីនៃឆ្នាំ២០២៤ភ្លាម នៅថ្ងៃអង្គារ ទី២ ខែមករានេះ រដ្ឋមន្រ្តីក្រសួងបរិស្ថាន ឯកឧត្តមបណ្ឌិត អ៊ាង សុផល្លែត បានប្រកាសដាក់ឱ្យប្រើប្រាស់ប្រព័ន្ធគ្រប់គ្រងបរិស្ថានកិច្ចជំហានទី២ បន្ទាប់ពីក្រសួងបរិស្ថានទទួលបានជោគជ័យក្នុងជំហានទី១ នៃការសាកល្បងប្រើប្រាស់រដ្ឋបាល Digital នៅក្នុងចំណោមថា្នក់ដឹកនាំរបស់ក្រសួង ដើម្បីជំរុញឱ្យប្រព័ន្ធការងាររដ្ឋបាលមានដំណើរការបានល្អ លឿនរហ័ស ចំណេញពេលវេលាជាងមុន និងទទួលបានព័ត៌មានជាក់លាក់អំពីសកម្មភាពនានារបស់ថ្នាក់ដឹកនាំ និងមន្រ្តីរាជការនៅក្នុងស្ថាប័ន។
សូមបញ្ជាក់ថា ការប្រើប្រាស់ប្រព័ន្ធគ្រប់គ្រងបរិស្ថានកិច្ចជំហានទី២ សំដៅដល់មន្រ្តីជំនាញរាប់ចាប់ពីអគ្គនាយករង ប្រធាននាយកដ្ឋាន និងអនុប្រធាននាយកដ្ឋាន ដើម្បីពន្លឿនដំណើរការការងារឱ្យកាន់តែមានសុក្រឹតភាព តម្លាភាព ប្រកបដោយការទទួលខុសត្រូវខ្ពស់នៅក្នុងចំណោមមន្រ្តីរាជការទាំងអស់៕
