រមណីយដ្ឋានអេកូទេសចរណ៍ធម្មជាតិជាច្រេីន ត្រូវបានគេរៀបចំតុបតែង ដេីម្បីត្រៀមទទួលភ្ញៀរទេសចរណ៍មកទស្សនាខេត្តក្រចេះ
ភ្នំពេញ៖ រមណីយដ្ឋាន និងតំបន់អេកូទេសចរណ៍ធម្មជាតិជាច្រេីន នៅក្នុងខេត្តក្រចេះ ត្រូវបានរៀបចំតុបតែង ដេីម្បីអបអរសាទរ និងទទួលភ្ញៀវទេសចរណ៍ជាតិ និងអន្តរជាតិ ក្នុងឱកាសបុណ្យឆ្លងឆ្នាំសកល និងបុណ្យចូលឆ្នាំប្រពៃណីជាតិ វិស័យទេសចរណ៍នៅខេត្តក្រចេះ មានតំបន់រមណីយដ្ឋានទេសចរណ៍ចំនួន ២៦កន្លែង ក្នុងនោះរមណីយដ្ឋាន វប្បធម៌ប្រវត្តិសាស្ត្រចំនួន ៦កន្លែង រមណីយដ្ឋានវប្បធម៌ធម្មជាតិចំនួន ១កន្លែង រមណីយដ្ឋានធម្មជាតិចំនួន ១៣កន្លែង រមណីយដ្ឋានកែច្នៃចំនួន ៦កន្លែង ហេីយរមណីដ្ឋានដែលភ្ញៀវទេសចរណ៍ពេញនិយមទៅកំសាន្តច្រេីន គឺរមណីយដ្ឋានទឹកជួរទន្លេមេគង្គកាំពី ស្ថិតនៅភូមិក្បាលជួរ ឃុំសំបុក ស្រុកចិត្របុរី មានចម្ងាយ ១៦គីឡូម៉ែត្រ ពីទីរួមខេត្តក្រចេះ។
លោក ចាន់ សុគន្ធី ប្រធានមន្ធីរទេសចរណ៍ខេត្តក្រចេះ បានឲ្យដឹងថា មានរមណីយដ្ឋានអេកូទេសចរណ៍ធម្មជាតិជាច្រេីន ត្រូវបានគេរៀបចំតុបតែង ដេីម្បីលេីកកម្ពស់សោភណ្ឌភាព សម្រាប់ទទួលភ្ញៀវទេសចរណ៍ ក្នុងរដូវកាល Hight Season កក្នុងនោះរួមមាន៖ រម្មណីយដ្ឋានអន្លង់ផ្សោតកាំពី, រមណីយដ្ឋានសហគមន៍អេកូរទេសចរណ៍សង្កាត់កោះទ្រង់, រម្មមណីយដ្ឋានភ្នំសំបុក, រម្មណីយដ្ឋានភ្នំសុពណ៌កាឡី រម្មណីយដ្ឋានឆ្នេរខ្សាច់សុណ៍គិរី, ព្រះវិហារធំសសរ ១០០ និងរម្មណីយដ្ឋានព្រែកកាំពី។
កាលពីថ្ងៃ២០ ខែធ្នូ ឆ្នាំ២០២៣កន្លងទៅ ឯកឧត្តម វ៉ា ថន អភិបាលខេត្តក្រចេះ បានឆ្លៀតពេលដ៏មមាញឹក និងមានតម្លៃ បានអញ្ជើញជួបសំណេះសំណាលជាមួយសេវាករ នៅរមណីយដ្ឋានទឹកជួរទន្លេមេគង្គកាំពី ដោយឯកឧត្តមអភិបាលខេត្ត បានណែនាំអោយសេវាករ យកចិត្តទុកដាក់ពង្រឹងគុណភាពផលិតផលទេសចរណ៍ រក្សាតម្លៃម្ហូបអាហារធានាបាននូវគុណភាព ជំនឿចិត្តពីភ្ញៀវទេសចរ ការថែរក្សាបរិស្ថាន និងបដិសណ្ឋារកិច្ចល្អ នៅតំបន់កាំពីរដែលជារម្មណីយដ្ឋានដ៏ទាក់ទាញបំផុតរបស់ខេត្តក្រចេះក្នុងរដូវកាលប្រាំងខាងមុខនេះ ៕
