ហ្វីលីពីនចូលរួមជាមួយជប៉ុន និងអាមេរិកក្នុងនាមជាអ្នកសង្កេតការណ៍នៃសមយុទ្ធជើងទឹកអន្តរជាតិ
បរទេស÷ កងទ័ពជើងទឹករបស់ប្រទេសជប៉ុនបានផ្តួចផ្តើមធ្វើសមយុទ្ធយោធាប្រចាំឆ្នាំរួមគ្នា Annualex ដែលមានហ្វីលីពីនជាអ្នកសង្កេតការណ៍ ដែលជាសញ្ញានៃការជំរុញឱ្យមានកិច្ចសហប្រតិបត្តិការលើដែនសមុទ្រកាន់តែប្រសើរឡើង។
សមយុទ្ធដែលដឹកនាំដោយប្រទេសជប៉ុន និងមានការចូលរួមពីកងកម្លាំងទ័ពជើងទឹកអាមេរិក អូស្ត្រាលី និងកាណាដា បានចាប់ផ្តើមកាលពីថ្ងៃសុក្រ ដោយហ្វីលីពីនបានចូលរួមជាលើកដំបូង នេះបើតាមអនុឧត្តមនាវីឯក Akira Saito នៃកងកម្លាំងស្វ័យការពារដែនសមុទ្ររបស់ជប៉ុនបានប្រាប់អ្នកយកព័ត៌មាន។
Saito បាននិយាយនៅលើនាវា USS Carl Vinson ថា “ហ្វីលីពីនគឺជាប្រទេសដ៏សំខាន់មួយសម្រាប់យើង ហើយយើងកំពុងសម្លឹងមើលការសម្របសម្រួលជាមួយកងទ័ពជើងទឹករបស់ពួកគេនៅគ្រប់ឱកាសដែលអាចធ្វើទៅបាន” Saito បាននិយាយនៅលើនាវា USS Carl Vinson នៅពេលវាបើកនៅក្នុងទីតាំងដែលមិនបានបង្ហាញនៅក្នុងមហាសមុទ្រប៉ាស៊ីហ្វិក។
