ការប្រយុទ្ធគ្នាយ៉ាងខ្លាំងបានធ្វើឱ្យមានស្ថានភាពភ័យស្លន់ស្លោ នៅមន្ទីរពេទ្យក្នុងតំបន់ Gaza

បរទេស៖ ប្រជាជនប៉ាឡេស្ទីនដែលកំពុងស្វែងរកការជ្រកកោននៅមន្ទីរពេទ្យដ៏ធំបំផុតនៅតំបន់ហ្គាហ្សា និងបុគ្គលិកបានលើកឡើងថា ពួកគេត្រូវបានជាប់ក្នុងស្ថានភាពដ៏គួរឱ្យរន្ធត់កាន់តែខ្លាំងឡើងកាលពីថ្ងៃសៅរ៍ ទី១១ ខែវិច្ឆិកា ដោយទារកមិនគ្រប់ខែពីរនាក់បានស្លាប់ដោយសារកង្វះអគ្គិសនី ខណៈដែលការប្រយុទ្ធគ្នាយ៉ាងខ្លាំងក្លាបានកើតឡើងនៅក្បែរនោះ។

យោធាអ៊ីស្រាអែលបានបដិសេធថាមិនមានការឡោមព័ទ្ធនៅមន្ទីរពេទ្យ Al-Shifa ហើយបានចោទប្រកាន់ក្រុមហាម៉ាស់ម្តងហើយម្តងទៀតថាបានប្រើប្រាស់កន្លែងវេជ្ជសាស្ត្រជាមជ្ឈមណ្ឌលបញ្ជាការ និងកន្លែងលាក់ខ្លួន ដែលជាការចោទប្រកាន់ដែលក្រុមសកម្មប្រយុទ្ធប៉ាឡេស្ទីនបានបដិសេធ។

ការប្រយុទ្ធគ្នាដោយកាំភ្លើង និងការទម្លាក់គ្រាប់បែកយ៉ាងខ្លាំងក្លានៅជុំវិញបរិវេណនោះបានកើតឡើងនៅពេលដែលអ៊ីស្រាអែលបានវាយលុកយ៉ាងជ្រៅទៅក្នុងទីក្រុង Gaza ក្នុងការវាយលុករបស់ខ្លួនក្នុងគោលបំណងបំផ្លាញពួកសកម្មប្រយុទ្ធនៅលើទឹកដីដែលពួកគេគ្រប់គ្រង។

សាក្សីម្នាក់ដែលបាននៅក្នុងលក្ខខណ្ឌសុំមិនបញ្ចេញឈ្មោះបានឲ្យដឹងថា៖ ការបាញ់មិនឈប់ទេ ការវាយប្រហារតាមអាកាសក៏មិនបានរំសាយផងដែរ។ មានសាកសពរាប់សិបមុឺននាក់នៅជុំវិញបរិវេណដែលគ្មាននរណាម្នាក់អាចទៅដល់បាន។

ទោះបីជាមនុស្សរាប់ម៉ឺននាក់បានភៀសខ្លួនចេញពីការប្រយុទ្ធគ្នាក៏ដោយ ក៏មនុស្សជាច្រើនបានជ្រកកោននៅក្នុងមន្ទីរពេទ្យភាគខាងជើងនៃតំបន់ហ្គាហ្សា ដែលត្រូវបានវាយប្រហារជាបន្តបន្ទាប់ដោយការវាយប្រហារដោយការផ្ទុះ និងការបាញ់កាំភ្លើង។

ប្រភព៖ CNA

ប្រែសម្រួលដោយ៖ ហៃ ឆៃមុីនាង