ប្រជាពលរដ្ឋចំនួន១៤៨នាក់ នៅក្នុងមូលដ្ឋានឃុំបឹងព្រួល បានទទួលការអប់រំផ្សព្វផ្សាយពីវិធានការទប់ស្កាត់ការពារនៃជំងឺគ្រុនឈាម

ភ្នំពេញ៖ នៅថ្ងៃចន្ទ ទី០៩ ខែតុលា ឆ្នាំ២០២៣ ដើម្បីរួមចំណែកកាត់បន្ថយហានិភ័យនៃគ្រោះមហន្តរាយ និងបន្តនិរន្តរភាពកម្មវិធីលើកកម្ពស់សកម្មភាពមនុស្សធម៌ និងសុខភាពសហគមន៍ ឯកឧត្តមបណ្ឌិត ជាម ច័ន្ទសោភ័ណ ប្រធានគណ:កម្មាធិការសាខាកាកបាទក្រហមកម្ពុជា ខេត្តត្បូងឃ្មុំ បានចាត់ឱ្យក្រុមប្រតិបត្តិសាខា និងអនុសាខាស្រុកត្បូងឃ្មុំ ដឹកនាំមន្ត្រីជំនាញ ជាមួយអ្នកស្ម័គ្រចិត្តភូមិគោលដៅកម្មវិធី ចុះទៅធ្វើការអប់រំផ្សព្វផ្សាយពីវិធានការការពារទប់ស្កាត់នៃការរីករាលដាលជំងឺគ្រុនឈាម នៅក្នុងមូលដ្ឋានភូមិចំនួន៣របស់ឃុំបឹងព្រួល ស្រុកត្បូងឃ្មុំ មានតួលេខដូចខាងក្រោម ÷

– ភូមិម៉ាស៊ីនស្រូវ ÷ អ្នកស្ម័គ្រចិត្តកម្មវិធី៥នាក់(ស្រី១នាក់) ប្រជាពលរដ្ឋ៤៣នាក់(ស្រី៣០នាក់) សរុបរួម៤៨នាក់(ស្រី៣១នាក់)។
– ភូមិវិហារក្រោម ÷ អ្នកស្ម័គ្រចិត្ត៥នាក់(ស្រី១នាក់) ប្រជាពលរដ្ឋ៤៥នាក់(ស្រី៣៩នាក់) សរុប៥០នាក់(ស្រី៤០នាក់)
– ភូមិបាតដីក្រោម ÷ អ្នកស្ម័គ្រចិត្ត៥នាក់(ស្រី២នាក់) ប្រជាពលរដ្ឋ៤៥នាក់(ស្រី៣៤នាក់) សរុប៥០នាក់(ស្រី៣៦នាក់)

ក្នុងឱកាសនោះដែរ ក្រុមការងារបង្គោលរបស់សាខាបានរៀបរាប់ពន្យល់អំពីវដ្ដនៃការកើតមានជំងឺគ្រុនឈាមដែលបង្កឡើងដោយសារមូសខ្លា និងវិធានការទប់ស្កាតដើម្បីកុំឲ្យមានការកើនឡើងបន្តទៀតនៅក្នុងសហគមន៍ និងមូលដ្ឋានរស់នៅរបស់បងប្អូនប្រជាពលរដ្ឋ ដោយធ្វើឲ្យបានទៅតាមទិសស្លោករបស់ក្រសួងសុខាភិបាល “គ្មានដង្កូវទឹក គ្មានមូសខ្លា គ្មានគ្រុនឈាម”។

សកម្មភាពផ្សព្វផ្សាយនេះ សាខាបានប្រើប្រាស់សម្ភារៈដូចជា ខិត្តប័ណ្ណរូបភាពផ្ទាំងធំ(វិធានការការពារជំងឺគ្រុនឈាម)ចំនួន២០០សន្លឹក សាប៊ូប្រូធីក៣កេស៕