ប៉េកាំង៖ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៦ ខែតុលានេះថា ប្រាក់ចំណូលរបស់ Box Office របស់ប្រទេសចិន ដែលរកបានក្នុងអំឡុងពិធីបុណ្យពាក់កណ្តាលរដូវស្លឹកឈើជ្រុះ រយៈពេលប្រាំបីថ្ងៃ និងថ្ងៃបុណ្យជាតិ រហូតដល់ថ្ងៃសុក្រ បានកើនឡើងលើសពី ២.៥ ពាន់លានយន់ (៣៤៨.២ លានដុល្លារអាមេរិក)។
ភាពយន្តក្នុងស្រុកបានគ្រប់គ្រងតារាងប្រាក់ចំណូលសម្រាប់ថ្ងៃឈប់សម្រាក ដោយខ្សែភាពយន្តរឿង “Under The Light” របស់ Zhang Yimou នាំមុខគេដោយទទួលបានប្រហែល ៨២៨ លានយន់ ឬ ៣២ ភាគរយនៃចំនួនសរុបគិតត្រឹមម៉ោង ៩ ព្រឹកថ្ងៃសុក្រ នេះបើយោងតាមវេទិកាទិន្នន័យភាពយន្ត Maoyan ។”The Ex-Files ៤: Marriage Plan” ដែលជាវគ្គទី ៤ ក្នុងរឿង “EX-Files” ភាពយន្តបែបកំប្លែងមនោសញ្ចេតនា ជាប់ចំណាត់ថ្នាក់លេខ ២ រកចំណូលបានប្រហែល ៥៨០ លានយ័ន។
“The Volunteers: To the War” ដែលជាភាពយន្តសង្រ្គាមចុងក្រោយបង្អស់របស់ Chen Kaige ទទួលបានចំណាត់ថ្នាក់លេខ ៣ ជាមួយនឹង ៤៦៨ លានយ័ន។ខ្សែភាពយន្តជីវប្រវត្តិរបស់អាមេរិក “Oppenheimer” រកចំណូលបាន ១៤ លានយ័នបន្ថែមទៀតក្នុងអំឡុងពេលថ្ងៃឈប់សម្រាក ដោយនាំមកនូវប្រាក់ចំណូលសរុបរបស់ខ្លួននៅ Box Office របស់ប្រទេសចិនចាប់តាំងពីថ្ងៃទី ៣០ ខែសីហា ដល់ ៤៣៨ លានយន់។
