អ៊ុំស្រីម្នាក់ចាក់ថ្នាំនិងព្យួរសេរ៉ូមខុសលក្ខណៈបច្ចេកទេស បណ្តាលឲ្យអ៊ុំស្រីបានស្លាប់បាត់បង់ជីវិតភ្លាមៗ
តាកែវ៖ នៅថ្ងៃអង្គារ ទី១២ ខែកញ្ញា ឆ្នាំ២០២៣ នៅវេលាម៉ោង ៩:៣០នាទី សិត្ថនៅចំណុចភូមិតាតៃ ឃុំញ៉ែងញ៉ង ស្រុកត្រាំកក់ ខេត្តតាកែវ អ្នកជំងឺម្នាក់បានស្លាប់បាត់បង់ជីវិតមានឈ្មោះ កៅ ថុស ភេទស្រី អាយុ ៧៣ឆ្នាំ ដែលមានទី លំនៅស្ថិតនៅ ភូមិតម្រា ឃុំជម្រុក ស្រុកគងពិសី ខេត្តកំពង់ស្ពឺ បានមកពិនិត្យជំងឺ និង ព្យាបាល នៅភូមិតាតៃឃុំញ៉ែងញ៉ង នៅផ្ទះរបស់ឈ្មោះ សន សឿន ភេទប្រុស អាយុ ៧១ឆ្នាំ បានចាក់ថ្នាំ និងព្យួរសេរ៉ូមខុសលក្ខណៈបច្ចេកទេស បណ្តាលអោយអ្នកជំងឺខាងលើស្លាប់ភ្លាម។
សូមបញ្ជាក់ថា កន្លែងព្យាបាលខាងលើមិនមានជ្ញាប័ណ្ណនិងសញ្ញាប័ត្រពេទ្យដែលចេញពីក្រសួងសុខាភិបាលនោះទេ ជាពេទ្យដែលចេះតៗគ្នា មកពីជំរុំ។
ចំណែកឯ ឈ្មោះ សឿន វឿន ភេទប្រុស អាយុ ៤៤ឆ្នាំ ត្រូវជាកូនបានដាក់សេរ៉ូមឲ្យជនរងគ្រោះដែរ (មិនមានអាជ្ញាប័ណ្ណនិងសញ្ញាបត្រពេទ្យដែលចេញពីមន្ទីរសុខាភិបាលទេ គឺចេះតៗគ្នាពីឪពុក ឈ្មោះ សន សឿន
បន្ទាប់ពីបានព័ត៌មានពីប៉ុស្តិ៍នគរបាលរដ្ឋបាល ឃុំញេរញ៉ង់ កម្លាំងជំនាញអធិការដ្ឋាននគរបាលស្រុកត្រាំកក់ សហការជាមួយជំនាញការិយាល័យបច្ចេកទេស ខេត្តតាកែវ និងក្រុមគ្រូពេទ្យបានចុះមកត្រួតពិនិត្យទៅលើសាកសព និងមានការបំភ្លឺពីសាក្សី សាកសពពិតជាស្លាប់ដោយសារ ព្យួរសេរ៉ូមខុសលក្ខណៈបច្ចេកទេស ពីពេទ្យគ្មានជំនាញ និងចេះតគ្នាពីឪពុក ទើបបណ្ដាលឲ្យគាំងបេះដូងស្លាប់ភ្លាមៗ ៕
