អគ្គនាយកដ្ឋានរដ្ឋបាល រៀបចំកិច្ចប្រជុំពិភាក្សា និងត្រួតពិនិត្យលទ្ធផលការងារប្រចាំខែសីហា និងទិសដៅការងារខែកញ្ញា ឆ្នាំ២០២៣
ភ្នំពេញ៖ អគ្គនាយកដ្ឋានរដ្ឋបាល នាព្រឹកថ្ងៃទី០៨ ខែកញ្ញា ឆ្នាំ២០២៣ បានរៀបចំកិច្ចប្រជុំពិភាក្សា ស្ដីពីលទ្ធផលការងារប្រចាំខែសីហា និងទិសដៅការងារខែកញ្ញា ឆ្នាំ២០២៣ ក្រោមអធិបតីភាព ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ដោយមានការអញ្ជើញចូលរួមពីឯកឧត្តម លោកជំទាវអគ្គនាយករង ជាថ្នាក់ដឹកនាំអគ្គនាយកដ្ឋាន និងតំណាងពីនាយកដ្ឋានចំណុះ អគ្គនាយកដ្ឋានរដ្ឋបាលផងដែរ។
ឯកឧត្ត អគ្គនាយកដ្ឋានរដ្ឋបាល បានធ្វើការដាក់ជូនអង្គប្រជុំពិនិត្យនូវសេចក្ដីព្រាងរបាយការណ៍ សកម្មភាព និងលទ្ធផលការងារប្រចាំខែសីហា និងលើកទិសដៅការងារបន្តសម្រាប់ខែកញ្ញា ឆ្នាំ២០២៣ របស់អគ្គនាយកដ្ឋានរដ្ឋបាល សម្រាប់ត្រៀមដាក់ជូន ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជ្រាបជាសេចក្តីរាយការណ៍ដ៏ខ្ពង់ខ្ពស់។
គួរបញ្ជាក់បន្ថែមថា សម្រាប់លទ្ធផលការងារប្រចាំខែសីហា និងទិសដៅការងារខែកញ្ញា ឆ្នាំ២០២៣ អគ្គនាយកដ្ឋានរដ្ឋបាល សម្រេចបានរួមមាន៖ ការងារលិខិតស្នាម និងឯកសារផ្សេងៗ, ការងាររៀបចំលិខិតបទដ្ឋានគតិយុត្ត, ការងារបុគ្គលិក, ការងារគាំទ្ររដ្ឋបាលថ្នាក់ក្រោមជាតិ, ការងារសហការជាមួយក្រសួង ស្ថាប័ន និងអង្គភាពនានា និងការងារតាមវិស័យផ្សេងៗ ៕
