នគរបាលស្រុកបាណន់ នាំខ្លួនអ្នកលេងល្បែងស៊ីសងដោយខុសច្បាប់ចំនួន ០៥នាក់ មកអប់រំណែនាំក្នុងមូលដ្ឋាន
បាត់ដំបង៖ កម្លាំងជំនាញផ្នែកព្រហ្មទណ្ឌ សហការជាមួយកម្លាំងប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ទោ សំ វីរៈ អធិការនគរបាលស្រុកបាណន់ កាលពីថ្ងៃទី១៣ ខែសីហា ឆ្នាំ២០២៣ វេលាម៉ោង ១៣និង៤០នាទី បានចុះបង្រ្កាបករណីលេងល្បែងស៊ីសងដោយខុសច្បាប់ (ជល់មាន់) ០១លើក នៅចំណុចភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនមនុស្សបានចំនួន ០៥នាក់រួមមាន៖
១.ឈ្មោះ សូត្រ សុខុន ភេទប្រុស អាយុ ៦៣ឆ្នាំ មានទីលំនៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
២.ឈ្មោះ ហៀង ប៊ន ភេទប្រុស អាយុ ៥៤ឆ្នាំ មានទីលំនៅភូមិអន្លង់ល្វា ឃុំវត្តតាមឹម ស្រុកសង្កែ ខេត្តបាត់ដំបង។
៣.ឈ្មោះ ហាន ធឿន ភេទប្រុស អាយុ ៥១ឆ្នាំ មានទីលំនៅភូមិកូនសេក សង្កាត់អូរម៉ាល់ ក្រុងបាត់ដំបង ខេត្តបាត់ដំបង។
៤.ឈ្មោះ អ៊ឹម សុធី ភេទប្រុស អាយុ ៥៥ឆ្នាំ មានទីលំនៅភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង។
៥.ឈ្មោះ រឿម បូរិន ភេទប្រុស អាយុ ៤២ឆ្នាំ មានទីលំនៅ ភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។
វត្ថុតាងដកហូតបានរួមមាន៖
-មាន់ឈ្មោលចំនួន ០៤ក្បាល
-កៅស៊ូហ៊ុធ្វើសង្វៀន០១
-ជញ្ជីងថ្លឹងមាន់០១
-ឆ្នាំងដាំទឹកស្អំមាន់០១
-ចង្ក្រានហ្គាស០១
-ធុងជ័រដាក់ទឹក០១
-ស្គុតសម្រាប់រុំខ្នាយមាន់ ០២ដុំ
-ផ្តិលកាវ០១
-ម៉ូតូចំនួន ០៨គ្រឿង
-ស្បែកជើង ០៩សំរាប់ ។
ពេលនាំខ្លួនមកធ្វើការសាកសួរនៅអធិការដ្ឋានរួចមក អ្នកលេងល្បែងស៊ីសងខុសច្បាប់ខាងលើត្រូវបានធ្វើការអប់រំ និងកិច្ចសន្យាឱ្យបញ្ឈប់សកម្មភាពនេះបន្តទៀត រួចអនុញ្ញាតឱ្យគ្រួសារមកធានាត្រឡប់ទៅមូលដ្ឋានវិញ ៕
