ឯកឧត្តម សួន រស្មី ដឹកនាំកិច្ចប្រជុំអគ្គាធិការដ្ឋានក្រសួងមុខងារសាធារណៈ ដើម្បីលើកយករបៀបវារៈមួយចំនួនមកពិនិត្យ និងពិភាក្សា
ភ្នំពេញ៖ ឯកឧត្តម សួន រស្មី អគ្គាធិការ នៃអគ្គាធិការដ្ឋានក្រសួងមុខងារសាធារណៈ នាព្រឹកថ្ងៃអង្គារ ៧រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែសីហា ឆ្នាំ២០២៣ បានអញ្ជើញជាអធិបតីដឹកនាំកិច្ចប្រជុំ៖
១-ពិភាក្សាលេីការកសាងសេចក្តីព្រាងសេចក្តីណែនាំស្តីពីវិធីសាស្ត្រនៃការធ្វេីអធិការកិច្ចលេីការផ្លាស់ប្តូរស្ថានភាពរដ្ឋបាលនិងគ្រួសារមន្ត្រីរាជការស៊ីវិលពាក់ព័ន្ធនឹងការបង្កក ការបង្វែរប្រាក់បៀវត្ស និងប្រាក់ឧបត្ថម្ភផ្សេងៗ។
២-ពិនិត្យរបាយការណ៍រកឃេីញបេីកលេីស ការបង្វែរ មិនទាន់បង្វែររបស់មន្ត្រីរាជការនៅថ្នាក់ជាតិ និងថ្នាក់ក្រោមជាតិ។
៣-កិច្ចការផ្សេងៗ។
កិច្ចប្រជុំមានការចូលរួមពី ឯកឧត្តម លោក លោកស្រី អគ្គាធិការរង ប្រធាននាយកដ្ឋាន អធិការ អនុប្រធាននាយកដ្ឋាន ប្រធានការិយាល័យ អនុប្រធានការិយាល័យមួយចំនួន នៃនាយកដ្ឋានចំណុះអគ្គាធិការដ្ឋាន។
ក្នុងឱកាសនោះ ឯកឧត្តមអគ្គាធិការ បានអនុញ្ញាតឱ្យលោក គឹម ឌីណា អគ្គាធិការរង និងលោក ម៉ុត សារៈ ប្រធាននាយកដ្ឋាន រាយការណ៍ក្នុងអង្គប្រជុំអំពីចំណុចសំខាន់ៗក្នុងសេចក្តីព្រាងសេចក្តីណែនាំដែលត្រូវលេីកយកមកពិភាក្សា និងបំពេញខ្លឹមសារបន្ថែម និងបានរាយការណ៍អំពីការរកឃេីញការបេីកលេីស ការបង្វែរ មិនទាន់បានបង្វែរ របស់មន្ត្រីរាជការនៅថ្នាក់ជាតិនិងថ្នាក់ក្រោមជាតិ។
បន្ទាប់មក អង្គប្រជុំបានពិគ្រោះពិភាក្សាបញ្ចេញមតិយោបល់លេីសេចក្តីព្រាងសេចក្តីណែនាំ និងប្រមូលបានធាតុចូលបន្ថែមក្នុងសេចក្តីព្រាងនេះឱ្យកាន់តែលម្អិត និងគ្រប់ជ្រុងជ្រោយ។
ក្នុងឱកាសនោះ ឯកឧត្តម សួន រស្មី អគ្គាធិការ បានកោតសរសេីរចំពោះការខិតខំបំពេញការងារនាពេលកន្លងមករបស់ ឯកឧត្តមអគ្គាធិការរង ប្រធាននាយកដ្ឋាន អធិការ និងមន្ត្រីរាជការ នៃអគ្គាធិការដ្ឋាន ដែលបានយកចិត្តទុកដាក់សិក្សារៀនសូត្រ ស្វែងយល់ ព្រមទាំងស្រាវជ្រាវច្បាប់ លិខិតបទដ្ឋានគតិយុត្តពាក់ព័ន្ធជាធរមានដេីម្បីមានមូលដ្ឋានក្នុងការកសាងលិខិតបទដ្ឋានគតិយុត្តនានា តាមតម្រូវការចាំបាច់របស់អគ្គាធិការដ្ឋាន។
ជាចុងបញ្ចប់ ឯកឧត្តមអគ្គាធិការ បានណែនាំ និងសំណូមពរ ដល់មន្ត្រីរាជការទាំងអស់នៃអគ្គាធិការដ្ឋាន សូមបន្តខិតខំអនុវត្តការងារប្រកបដោយការទទួលខុសត្រូវខ្ពស់ សិក្សាស្រាវជ្រាវច្បាប់ និងលិខិតបទដ្ឋានគតិយុត្តជាធរមានសម្រាប់អនុវត្តការងារឱ្យមានប្រសិទ្ធភាព ៕
