អង្គភាពអ្នកនាំពាក្យរាជរដ្ឋាភិបាល អនុញ្ញាតឲ្យក្រុមសហគ្រិនវ័យក្មេងគ្រប់វិស័យ ចូលជួបសុំសម្ដែងការគួរសម និងសុំមតិណែនាំមួយចំនួនពាក់ព័ន្ធផែនសហគ្រិនវ័យក្មេងសាខាមាតុភូមិតេជោ
ភ្នំពេញ៖ អង្គភាពអ្នកនាំពាក្យរាជរដ្ឋាភិបាល ដឹកនាំដោយឯកឧត្តម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល នៅថ្ងៃទី៣១ ខែកក្កដា ឆ្នាំ២០២៣ បានអនុញ្ញាតឲ្យក្រុមសហគ្រិនវ័យក្មេងគ្រប់វិស័យ ចូលជួបសុំសម្ដែងការគួរសម និងសុំមតិណែនាំមួយចំនួនពាក់ព័ន្ធផែនសហគ្រិនវ័យក្មេងសាខាមាតុភូមិតេជោ ដែលមានគោលបំណងចង់គៀគរម្ចាស់អាជីវកម្មទាំងអស់ ដើម្បីចូលរួមជាមួយផែនសហគ្រិនតេជោ ក្នុងការចែករំលែកបទពិសោធន៍ ដើម្បីពង្រីកអាជីវកម្មខ្លួនឯង និងជួយដល់សង្គមវិញ។
ជំនួបរវាងអង្គភាពអ្នកនាំពាក្យរាជរដ្ឋាភិបាល និងផែនសហគ្រិនសាខាមាតុភូមិតេជោ គឺដើម្បីអោយមានការផ្សារភ្ជាប់រវាងរាជរដ្ឋាភិបាល និងសមាគមសហគ្រិន ដើម្បីអោយមានកិច្ចពង្រឹង និងពង្រីកសក្ដានុពលនៃអាជីវកម្ម ជាពិសេសក៏បានរួមគ្នាដោះស្រាយនូវបញ្ហាប្រឈម ដើម្បីការពារផលប្រយោជន៍របស់សហគ្រិនរួមទាំងសហគ្រាសធុនតូច និងមធ្យម ក៏ដូចជាធុរកិច្ចថ្មី ដែលជាដៃគូយ៉ាងសំខាន់របស់រាជរដ្ឋាភិបាលក្នុងការរួមដំណើរបោះជំហ៊ានឆ្ពោះទៅរកវិបុលភាព ស្ថិរភាព និងការអភិវឌ្ឍន៍ ដែលផ្ដោតទៅលើការបែងចែកផលលាភប្រកបដោយសមធម៌សម្រាប់ប្រជាពលរដ្ឋគ្រប់ៗគ្នា ៕
