ឯកឧត្តម ឈួរ សុបញ្ញា៖ សមិទ្ធផលធំជាងគេ គឺសុខសន្តិភាព ដោយសារប្រទេសមានសុខសន្តិភាព ទើបមានការអភិវឌ្ឍ

ភ្នំពេញ៖ ឯកឧត្តម ឈួរ សុបញ្ញា ប្រធានក្រុមការងារគណបក្សប្រជាជនកម្ពុជាចុះជួយឃុំក្រែក និងឯកឧត្តម ឈាង បាក់ អនុប្រធានក្រុមការងារគណបក្សប្រជាជនកម្ពុជាចុះជួយឃុំក្រែក នារសៀលថ្ងៃសៅរ៍ ៦ រោច ខែបឋមសាឍ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី៨ ខែកក្កដា ឆ្នាំ២០២៣ បានអញ្ជើញបន្តចុះណែនាំពីការគូសសន្លឹកឆ្នោតដល់ក្រុមបក្សចំនួន ២៦៤នាក់ មកពីភូមិទាំង៦ផ្សេងទៀត ក្នុងឃុំក្រែក ស្រុកពញ្ញាក្រែក ខេត្តត្បូងឃុំ។

ក្នុងឱកាសសំណេះសំណាលជាមួយសមាជិកគណបក្យប្រជាជនកម្ពុជា ឯកឧត្តម ឈួរ សុបញ្ញា បានលើកឡើងថា សមិទ្ធផលធំជាងគេ គឺសុខសន្តិភាព ដោយសារប្រទេសមានសុខសន្តិភាព ទើបមានការអភិវឌ្ឍ ហើយការអភិវឌ្ឍន៍ទាំងនេះ មិនមែនកើតឡើងដោយចៃដន្យនោះទេ គឺកើតឡើងដោយការតាំងចិត្ត ការប្ដេជ្ញាខ្ពស់របស់ថ្នាកដឹកនាំ ក៏ដូចអាជ្ញាធរមូលដ្ឋានគ្រប់លំដាប់ថ្នាក់របស់គណបក្សប្រជាជនទើបមានសាលារៀន មន្ទីរពេទ្យ ផ្លូវថ្នាល់ ទឹក ភ្លើង ដែលបងប្អូនប្រើប្រាស់សព្វថ្ងៃនេះ សុទ្ធតែកើតចេញពីរការប្រឹងប្រែងរបស់គណបក្សប្រជាជនកម្ពុជា។

ឯកឧត្តម ឈួរ សុបញ្ញា បានបន្តថា គណបក្សប្រជាជនកម្ពុជា ការពារ និងលើកស្ទួយផលប្រយោជន៍របស់ប្រជាជនថែរក្សាការពារសន្តិភាពសន្តិសុខ សណ្តាប់ធ្នាប់ និងសុវត្ថិភាពសង្គម ដើម្បីធានាបានសុខសន្តិភាពសេរីភាព សុខសាន្តរបស់ប្រជាជន និងការអភិវឌ្ឍប្រទេសជាតិ។

ឯកឧត្តម ឈួរ សុបញ្ញា បានថ្លែទៅកាន់សមាជិកបក្សថា នាពេលកន្លងមកនេះ យើងទាំងអស់គ្នាពិតជាបានគិតវាយតម្លៃចំពោះការឃោសនារបស់បក្សផ្សេងៗ ដែលចុះឃោសនា បងប្អូនត្រូវធ្វើការប្រៀបធៀប នូវអ្វីដែលគាត់និយាយ និងប្រៀបធៀបចំពោះដឹកនាំជាក់ស្ដែងរបស់កណបក្សប្រជាជន។ យើងធ្វើការប្រៀបធៀបគ្នា យើងដឹងហើយ អ្នកថាគ្រាន់តែថាទេ តែអ្នកធ្វើបានធ្វើរួចហើយ ហើយបងប្អូនត្រូវពន្យល់អ្នក នៅជិតផ្ទះយើងដែលនៅស្ទាក់ស្ទើរ ឲ្យជួយគាំទ្រគណបក្សប្រជាជនកម្ពុជារបស់យើង។ គណបក្សប្រជាជនមានលេខរៀលលេខ១៨ ដែលមានរូបសញ្ញា«ទេវត្តាបាចផ្កា»។

ឯកឧត្តម ឈួរ សុបញ្ញា ក៏បានអំពាវនាវឲ្យសមាជិកទៅបោះឆ្នោតឲ្យបានគ្រប់គ្នាៗ នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ហើយសូមកុំជឿការញុំញ៉ុងអ្នកផ្សេងថា មិនបាច់ទៅបោះឆ្នោត ពេលទៅបោះឆ្នោតបើស្រឡាញ់គូសឲ្យបានច្រើន មិនត្រូវទេ ហើយឯកឧត្តមក៏បានបង្រៀន របៀបគូសសន្លឹកឆ្នោតដល់សមាជិកសមាជិការផងដែរក្នុងឱកាសនោះផងដែរ ៕