នាយករដ្ឋមន្ត្រីនូវែលសេឡង់មិនយល់ស្របជាមួយលោក Joe Biden ថាលោក Xi Jinping មិនមែនជាជនផ្តាច់ការ
បរទេស៖ នាយករដ្ឋមន្ត្រីនូវែលសេឡង់ លោក Chris Hipkins បានឲ្យដឹងកាលពីថ្ងៃព្រហស្បតិ៍ថា លោកមិនយល់ស្របនឹងការលើកឡើងរបស់លោកប្រធានាធិបតីសហរដ្ឋអាមេរិក Joe Biden ដែលថាមេដឹកនាំចិនលោក Xi Jinping គឺជាជនផ្តាច់ការនោះទេ។
លោក Chris Hipkins បានប្រាប់អ្នកយកព័ត៌មានមុនដំណើរទស្សនកិច្ចផ្លូវការទៅកាន់ប្រទេសចិននៅចុងខែនេះថា ទេ ហើយទម្រង់នៃរដ្ឋាភិបាលដែលចិនមានគឺជាបញ្ហាសម្រាប់ប្រជាជនចិន។
នៅពេលសួរដោយអ្នកសារព័ត៌មានថា តើប្រជាជនចិនមានការបញ្ជាក់ក្នុងទម្រង់រដ្ឋាភិបាលឬអត់នោះ លោក Chris Hipkins បានឲ្យដឹងថា ប្រសិនបើពួកគេចង់ផ្លាស់ប្តូរប្រព័ន្ធរដ្ឋាភិបាលរបស់ពួកគេ នោះជាបញ្ហាសម្រាប់ពួកគេ។
លោក Chris Hipkins គ្រោងនឹងធ្វើទស្សនកិច្ចនៅប្រទេសចិនចាប់ពីថ្ងៃទី ២៥ ដល់ថ្ងៃទី ៣០ ខែមិថុនា ដោយដឹកនាំគណៈប្រតិភូពាណិជ្ជកម្មដែលរួមមានក្រុមហ៊ុនធំៗមួយចំនួនរបស់ប្រទេសនូវែលសេឡង់។
លោក Chris Hipkins នឹងជួបលោក Xi Jinping នាយករដ្ឋមន្ត្រី Li Qiang និងប្រធានគណៈកម្មាធិការអចិន្ត្រៃយ៍នៃសភាប្រជាជនជាតិ លោក Zhao Leji ។
ប្រទេសចិនបានវាយបកវិញកាលពីថ្ងៃពុធ បន្ទាប់ពីលោក Joe Biden បានហៅលោកប្រធានាធិបតីចិន Xi Jinping ថាជាជនផ្តាច់ការ ដោយបញ្ជាក់ថា ការលើកឡើងនេះគឺមិនសមហេតុផល និងការបង្កហេតុ ដែលជាការផ្ទុះឡើងដែលមិននឹកស្មានដល់បន្ទាប់ពីការប៉ុនប៉ងរបស់ភាគីទាំងពីរដើម្បីកាត់បន្ថយការកកិត។
ប្រភព៖ NCB News
ប្រែសម្រួលដោយ៖ [ឡាយ លីហួ]
