HARBIN÷សម្រាប់ Park Jong Sung មកពីសាធារណរដ្ឋកូរ៉េ (កូរ៉េខាងត្បូង) ពិព័រណ៍សេដ្ឋកិច្ចនិងពាណិជ្ជកម្មអន្តរជាតិ Harbin លើកទី ៣២ គឺមានសារៈសំខាន់ខ្លាំងណាស់សម្រាប់អាជីវកម្មរបស់គាត់។Park និយាយថា៖ «ខ្ញុំមកហាប៊ីនជាមួយផលិតផលថ្មីលើកនេះដោយសង្ឃឹមថានឹងរកដៃគូ។ដោយបានរស់នៅក្នុងប្រទេសចិនអស់រយៈពេលជាងដប់ឆ្នាំ គាត់ជាម្ចាស់ក្រុមហ៊ុនពាណិជ្ជកម្មបរទេសដែលបានណែនាំផលិតផលកូរ៉េជាច្រើនចូលទៅក្នុងប្រទេសចិន។
Park បាននាំយកស្ករគ្រាប់របស់ក្មេងលេងទៅពិព័រណ៍នៅឆ្នាំនេះ ដែលមានប្រជាប្រិយភាពយ៉ាងទូលំទូលាយនៅកូរ៉េខាងត្បូង ប៉ុន្តែមិនទាន់បានចូលទីផ្សារប្រទេសចិននៅឡើយ។គាត់បានរកឃើញដៃគូអាជីវកម្មថ្មីដោយជោគជ័យបន្ទាប់ពីពីរថ្ងៃ។ក្រុមហ៊ុនរបស់ Park ស្ថិតក្នុងចំណោមសហគ្រាសជាង ១,៤០០ មកពី ៣៨ ប្រទេស និងតំបន់ដែលចូលរួមក្នុងពិព័រណ៍សេដ្ឋកិច្ច និងពាណិជ្ជកម្មអន្តរជាតិ Harbin លើកទី ៣២ ដែលប្រព្រឹត្តទៅចាប់ពីថ្ងៃទី ១៥ ដល់ថ្ងៃទី ១៩ ខែមិថុនានៅទីក្រុង Harbin ខេត្ត Heilongjiang ភាគឦសានប្រទេសចិន។យោងតាមអ្នករៀបចំរបស់ខ្លួន កិច្ចព្រមព្រៀងដែលមានតម្លៃជាង ២០០ ពាន់លានយន់ (ប្រហែល ២៧.៩៣ លានដុល្លារអាមេរិក) ត្រូវបានចុះហត្ថលេខាក្នុងអំឡុងពេលពិព័រណ៍ដោយផ្អែកលើការប៉ាន់ស្មានបឋម។
ពីប្រទេសកូរ៉េខាងត្បូងផងដែរ លោក Shin Tae Jin ដែលជាប្រធានក្រុមហ៊ុនជីវវេជ្ជសាស្ត្រ គឺជាអ្នកចំណូលថ្មីនៅក្នុងពិព័រណ៍នៅឆ្នាំនេះ ជាមួយនឹងឧបករណ៍ព្យាបាលរាងកាយ។Shin បាននិយាយថា “ខ្ញុំទទួលបានច្រើនក្នុងរយៈពេលប៉ុន្មានថ្ងៃកន្លងមកនេះ ហើយបានឈានដល់កិច្ចព្រមព្រៀងបឋមជាមួយអ្នកចែកចាយនៅ Heilongjiang” ដោយកត់សម្គាល់ថាគាត់បានចូលរួមយ៉ាងស៊ីជម្រៅនៅក្នុងទីផ្សារប្រទេសចិន និងបើកក្រុមហ៊ុនជាច្រើនក្នុងវិស័យផ្សេងៗគ្នានៅទីនេះ។លោក Shin បានបន្ថែមថា “ខ្ញុំចូលចិត្តប្រទេសចិន ហើយបានចាប់ផ្តើមបណ្តាក់ទុននៅ Heilongjiang ជាច្រើនទសវត្សរ៍មុន។ ផលិតផលរបស់យើងត្រូវបានទទួលយ៉ាងល្អនៅក្នុងពិព័រណ៍ពាណិជ្ជកម្មនេះ ដែលធ្វើអោយខ្ញុំមានទំនុកចិត្តយ៉ាងខ្លាំងចំពោះការរំពឹងទុករបស់វា” Shin បានបន្ថែម។
អ្នកជំនួញជនជាតិប៉ាគីស្ថាន Adnan Abbas បានថ្លែងថា គាត់ហត់នឿយ ប៉ុន្តែសប្បាយចិត្តក្នុងអំឡុងពេលពិព័រណ៍ពាណិជ្ជកម្មនេះ ដោយសារស្តង់របស់គាត់ត្រូវបានភ្ញៀវមកទស្សនាឥតឈប់ឈរ ដែលបង្ហាញចំណាប់អារម្មណ៍យ៉ាងខ្លាំងចំពោះសិប្បកម្មធ្វើពីលង្ហិនដែលមានលក្ខណៈបែបប៉ាគីស្ថាន។លោកបាននិយាយអំពីផលិតផលរបស់លោកថា៖ «ឧបករណ៍ផលិតស្រាលង្ហិនគឺធ្វើដោយដៃជាមួយនឹងរូបរាងដ៏ប្រណិត និងតម្លៃសិល្បៈដ៏អស្ចារ្យ»។ក្នុងនាមជាអ្នកចូលរួមជាញឹកញាប់ អាបាសត្រូវបានគេទម្លាប់ទៅនឹងទិដ្ឋភាពដ៏អ៊ូអរនៃពិព័រណ៍។លោកបានមានប្រសាសន៍ថា “យើងបានចូលរួមក្នុងពិព័រណ៍ពាណិជ្ជកម្មតាំងពីឆ្នាំ ២០១៤ និងការតាំងពិពណ៌នៅក្នុងផ្នែកផ្សេងទៀតនៃប្រទេសចិន។ដោយសារតែទីផ្សារធំនៅក្នុងប្រទេសចិន យើងមានការមមាញឹកស្ទើរតែគ្រប់ការតាំងពិព័រណ៍” ។
អ្នករៀបចំបានអោយដឹងថាការចូលទស្សនាជាង ៣០០,០០០ ត្រូវបានធ្វើឡើងទៅកាន់កន្លែងសំខាន់នៃពិព័រណ៍នៅឆ្នាំនេះ។លោក Ren Hongbin ប្រធានក្រុមប្រឹក្សាចិនសម្រាប់ការជំរុញពាណិជ្ជកម្មអន្តរជាតិបាននិយាយថា “ក្នុងនាមជាពិព័រណ៍សេដ្ឋកិច្ច និងពាណិជ្ជកម្មអន្តរជាតិដ៏ល្បីល្បាញ ពិព័រណ៍សេដ្ឋកិច្ច និងពាណិជ្ជកម្មអន្តរជាតិ Harbin ដើរតួជាវេទិកាដ៏សំខាន់មួយសម្រាប់ប្រទេសចិនភាគឦសាន ដើម្បីពន្លឿនការរស់ឡើងវិញដ៏ទូលំទូលាយ” ។
ប្រភពព័ត៌មានៈXinhua
ប្រែសំរួលដោយៈយ៉េន សុវណ្ណារ៉ា
