ឯកឧត្តម វ៉ាន់ មុនីនាថ ចូលរួមកិច្ចប្រជុំថ្នាក់រដ្ឋមន្រ្តីលើកទី៣ ស្តីពីមូលនិធិទ្រទ្រង់ការរស់នៅ បន្ស៊ាំនឹងអាកាសធាតុ (LoCAL)
ភ្នំពេញ៖ ឯកឧត្តម វ៉ាន់ មុនីនាថ អគ្គនាយក ជាតំណាងឯកឧត្តមរដ្ឋមន្រ្តីក្រសួងបរិស្ថាន នៅថ្ងៃទី១២ ខែឧសភា ឆ្នាំ២០២៣ បានដឹកនាំប្រតិភូចូលរួមកិច្ចប្រជុំថ្នាក់រដ្ឋមន្រ្តីលើកទី៣ ស្តីពីមូលនិធិទ្រទ្រង់ការរស់នៅបន្ស៊ាំនឹងអាកាសធាតុ (LoCAL) នាទីក្រុងព្រុចសែល ប្រទេស Belgium ។
ជាលទ្ធផលអង្គប្រជុំបានទទួលលទ្ធផលមានដូចខាងក្រោម៖
១. អនុម័តសេចក្តីសម្រេចរបស់ក្រុមប្រឹក្សាលើកទី១០ ស្តីពីមូលនិធិទ្រទ្រង់ការរស់នៅបន្ស៊ាំនឹងអាកាសធាតុ។
២.សេចក្តីប្រកាសរដ្ឋមន្រ្តី ស្តីពីមូលនិធិទ្រទ្រង់ការរស់នៅបន្ស៊ាំនឹងអាកាសធាតុ។
៣. កម្ពុជាបន្តគាំទ្រការលើកកម្ពស់មូលនិធិ LoCAL ឱ្យក្លាយជាយន្តការកាន់តែសកម្មមួយក្នុងការកៀរគរហិរញ្ញប្បទានអាកាសធាតុពីវិស័យសាធារណៈ និងវិស័យឯកជន ព្រមទាំងស្វាគមន៍ការពង្រឹងនិងពង្រីកកិច្ចសហប្រតិបត្តិការជាមួយគ្រប់ភាគីពាក់ព័ន្ធ ដើម្បីអនុវត្តសកម្មភាពបន្ស៊ាំនៅកម្រិតមូលដ្ឋាន។
កិច្ចប្រជុំនេះរៀបចំដោយមូលនិធិអភិវឌ្ឍន៍មូលធនអង្គការសហប្រជាជាតិ (UNCDF) និងមានការចូលរួមពីរដ្ឋមន្រ្តី និងតំណាងជាន់ខ្ពស់របស់ប្រទេសសមាជិក និងដៃគូអភិវឌ្ឍសរុបចំនួន ៥០ រូប៕
