នាយឧត្តមសេនីយ៍ ឯក មនោសែន៖ មន្រ្តីនគរបាលមានតួនាទី ៣សំខាន់ សម្រាប់បំរើការងារជូនប្រជាពលរដ្ឋ

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]

ភ្នំពេញ៖ ឯកឧត្តម នាយឧត្តមសេនីយ៍ សាស្រ្តាចារ្យ ឯក មនោសែន អនុប្រធានបណ្ឌិត្យសភានគរបាលកម្ពុជា បានលើកឡើងថា មន្រ្តីនគរបាលមានតួនាទី ៣សំខាន់ សម្រាប់បំរើការងារជូនប្រជាពលរដ្ឋ គឺ៖ ទី១.សមត្ថកិច្ចដែនដី ទី២សមត្ថកិច្ចពេលវេលា និងទី៣.សមត្ថកិច្ចឋានានុក្រម។

ឯកឧត្តម នាយឧត្តមសេនីយ៍ សាស្រ្តាចារ្យ ថ្លែង បែបនេះ ក្នុងពិធីសំណេះ សំណាល និងសាកសួរសុខទុក្ខ សិស្សនាយនគរបាល និងនាយនគរបាលរង ចំនួន ១៦០នាក់ នៅសាលានគរបាលជាតិ ភូមិភាគ២ មានទីតាំងស្ថិតក្នុងឃុំមៀន ស្រុកព្រៃឈរ ខេត្តកំពង់ចាម នាព្រឹកថ្ងៃទី១៣ ខែឧសភា ឆ្នាំ២០២៣។

ឯកឧត្តម នាយឧត្តមសេនីយ៍ បានលើកឡើងថា ក្នុងនាមយើងជាមន្រ្តីនគរបាល មានសារៈសំខាន់៣ យ៉ាងក្នុងការអនុវត្តការងារនគរបាលរួមមាន៖
ទី១-មន្រ្តីនគរបាលដែនដី មានតួនាទី តាមដាន ពិនិត្យ មើលរាល់ការរស់នៅរស់របស់ប្រជាពលរដ្ឋ ឬក៏មានបញ្ហាគ្រួសារណាមួយកើតឡើងមានជម្លោះ ក្នុងនាមយើងជាសមត្ថកិច្ចស្ថិតក្នុងដែនសមត្ថកិច្ចរបស់ខ្លួន ត្រូវចុះទៅធ្វើអរន្តគមន៍ជាបន្ទាន់ កុំឲ្យរឿងតូច កើតទៅជារឿងធំ។
ទី២-មន្រ្តីនគរបាលពេលវេលា ក្នុងន័យនេះ ចង់ឲ្យមន្រ្តីនគរបាលទាំងអស់ មកបំពេញការងារឲ្យបានទៀងទាត់ កុំឲ្យពេលមានប្រជាពលរដ្ឋ ដាក់ពាក្សបណ្តឹងមកកាន់ប៉ូសីល បែបជា មិនមានប៉ូលីសប្រចាំការ គ្នានអ្នកណារង់ចាំទទួលពាក្សបណ្តឹងពីប្រជាពលរដ្ឋ។
ទី៣-សមត្ថកិច្ចចៅក្រម នៅពេលមានបញ្ហាកើតឡើង ក្នុងមូលដ្ឋានរបស់ខ្លួន មន្រ្តីនគរបាល ត្រូវចុះទៅធ្វើការស្រាវជ្រាវ ស្វែងរកការពិត នៃសាច់រឿង កុំឲ្យជនល្មើស ក្លាយជាជនរងគ្រោះ ហើយជនរងគ្រោះ ក្លាយជាជនល្មើសទៅវិញ។ ដូច្នេះ មុនធ្វើការកាត់សេចក្តី ថាអ្នកណាខុស អ្នកត្រូវ ត្រូវធ្វើការពិនិត្យ ឲ្យបានច្បាប់លាស់ ជាមុនសិន ។

បន្ទាប់មក ឯកឧត្តម នាយឧត្តមសេនីយ៍ សាស្រ្តាចារ្យ ឯក មនោសែន បានបន្តដំណើរ ពិភាក្សាជាមួយ លោក ឡោ ចាន់លី អភិបាលរងខេត្តខេត្តកំពង់ចាម តំណាង ឯកឧត្តម អ៊ុន ចាន់ដា អភិបាលខេត្ត បានអញ្ជើញដឹកនាំកិច្ចប្រជុំពិភាក្សាកសាងផែនការការពារជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលអញ្ជើញក្នុងពិធីជួបសំណេះសំណាលជាមួយ សិក្ខាកាម ជំនាន់ទី១៧ វគ្គ១ និងសម្ពោធដាក់ឱ្យប្រើប្រាស់ សមិទ្ធផលនានា ក្នុងសាលានគរបាល ភូមិភាគ២ ដែលមានទីតាំង ស្ថិតនៅភូមិផ្កាយព្រឹក ឃុំមៀន ស្រុកព្រៃឈរ ខេត្តកំពង់ចាម នៅថ្ងៃទី១៦ ខែឧសាភា ឆ្នាំ២០២៣ ខាងមុខនេះ ។

ក្នុងកិច្ចប្រជុំនោះ ក៏មានការគោរពអញ្ជើញចូលរួម ពីលោកឧត្តមសេនីយ៍ត្រី សោម រស់ ស្នងការរងទទួលផែនការងារនគរបាល សណ្ដាប់ធ្នាប់ លោក ខេង ម៉េងឈុន អភិបាលស្រុកព្រៃឈរ និងអ្នកពាក់ព័ន្ធ ជាច្រើននាក់ទៀត ផងដែរ ៕