មន្ទីរទេសចរខេត្តបន្ទាយមានជ័យ រៀបចំវគ្គបណ្តុះបណ្តាលគ្រូបង្គោល បដិសណ្ឋារកិច្ចកម្ពុជា (HoKa) ផ្នែកគេហកិច្ច និងចែកវិញ្ញាបនបត្រ ដល់សិក្ខាកាម ៦៩នាក់

ភ្នំពេញ៖ មន្ទីរទេសចរ ខេត្តបន្ទាយមានជ័យ បានរៀបចំវគ្គបណ្តុះបណ្តាលគ្រូបង្គោលបដិសណ្ឋារកិច្ចកម្ពុជា(HoKa) ផ្នែកគេហកិច្ច និងចែកវិញ្ញាបនបត្រ ដល់សិក្ខាកាម ដែលបានបណ្តុះបណ្តាល មុខជំនាញការិយាល័យជួរមុខ គេហកិច្ច និងសេវកម្មម្ហូបអាហារ និងភេសជ្ជៈ ធ្វើឡើងនៅសាលប្រជុំ ធំ សាលាខេត្តបន្ទាយមានជ័យ នៅថ្ងៃទី១០ ខែឧសភា ឆ្នាំ២០២៣។

លោក ឈឿន សេរីវុធ ប្រធានមន្ទីរទេសចរណ៍ខេត្ត បានឱ្យដឹងថា ៖ វគ្គបណ្តុះបណ្តាលគ្រូបង្គោលបដិសណ្ឋារកិច្ចកម្ពុជា(HoKa) ដែលបានបណ្តុះបណ្តាលកន្លងមកចំនួន៦៨នាក់លើមុខជំនាញ ការិយាល័យជួរមុខ គេហកិច្ច និងសេវកម្មម្ហូបអាហារ និងភេសជ្ជៈ។

លោកប្រធានមន្ទីរទេសចរណ៍ បន្តថា ៖ ក្នុងរយៈពេល៤ខែ ឆ្នាំ២០២៣ ៖ -ភ្ញៀវទេសចរបរទេសចូលតាមច្រកទ្វារព្រំដែនអន្តរជាតិប៉ោយប៉ែត មានចំនួន ៨៣៤.៧៤២ នាក់ កើនឡើងច្រើន បើប្រៀបធៀបរយៈពេលដូចគ្នាឆ្នាំ២០២២ មានចំនួន០៦ នាក់ ។-ភ្ញៀវទេសចរបរទេសចេញត្រឡប់ទៅវិញមានចំនួន៨៣៨.៥៣៩នាក់ កើនឡើងច្រើន បើប្រៀបធៀបរយៈពេលដូចគ្នាឆ្នាំ២០២២មានចំនួន ៣២១ នាក់ ។ ក្នុងនោះមាន៩៩សញ្ជាតិ បើប្រៀបធៀបរយៈពេលដូចគ្នាឆ្នាំ២០២២ មាន០៣សញ្ជាតិ ។

លោក ប្រាក់ ប៉ូលី អភិបាលរងខេត្ត បានមានប្រសាសន៍ថា ៖ នៅក្នុងបរិការណ៍បដិវត្តន៍ឧស្សាហកម្ម ៤.០ ការរីកចម្រើនផ្នែកវិទ្យាសាស្ត្រ និងបច្ចេកវិទ្យាសាកល បាននឹងកំពុងលេចរូបរាង និងមានការវិវឌ្ឍយ៉ាង ឆាប់រហ័ស ។ បច្ចេកវិទ្យា ឌីជីថល បាននិងកំពុងដើរតួនាទីស្នូល និងជាចលករនៅក្នុងគ្រប់ទិដ្ឋភាពនៃសកម្មភាព សេដ្ឋកិច្ច និងសង្គមដែលមានភាពសម្បូរបែប នៅជុំវិញការរស់នៅរបស់យើង ។

លោកបន្តថា ៖ វិស័យទេសចរណ៍កម្ពុជា ដែលជា “ទេសចរណ៍វប្បធម៌ និងធម្មជាតិ” ត្រូវបានចាត់ទុកជាវិស័យអាទិភាពមួយដើរតួជា “មាសបៃតង” រួមចំណែកដល់ការអភិវឌ្ឍសេដ្ឋកិច្ចសង្គម និងការការពារបរិស្ថាន ពោលគឺចូលរួមដល់ការកសាងសេដ្ឋកិច្ចបៃតងនៅកម្ពុជាដែលជាផ្នែកគាំទ្រដល់ការសម្រេចបាននូវគោលដៅអភិវឌ្ឍន៍ប្រកបដោយចីរភាព ។

ការផ្សព្វផ្សាយអំពីទេសចរណ៍កម្ពុជាបានដើរស្របទៅនឹងភាពសម្បូរបែបនៃសម្បត្តិវប្បធម៌ និងធម្មជាតិ ក្នុងការទាក់ទាញភ្ញៀវទេសចរជាតិនិងអន្តរជាតិ ប៉ុន្តែសកម្មភាពទាំងនេះនៅមិនទាន់គ្រប់គ្រាន់ក្នុងការឆ្លើយតបនឹងតម្រូវការជាក់ស្តែងរបស់កម្ពុជានៅឡើយ ពិសេសការផ្សព្វផ្សាយអំពីសក្តានុពលទេសចរណ៍កម្ពុជាស្របតាមយុទ្ធនាការផ្សព្វផ្សាយ“កម្ពុជា ព្រះរាជាណាចក្រអច្ឆរិយៈ ផ្តល់ភាពកក់ក្តៅ” ទាំងនៅក្នុងស្រុក និងក្រៅប្រទេសឱ្យបានទូលំទូលាយស្របតាមស្មារតីនៃ “ផែនទីចង្អុលផ្លូវ ស្តីពីផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩ ។

សូមបញ្ជាក់ថា ៖ កម្មវិធីបណ្តុះបណ្តាលដិសណ្ឋារកិច្ចកម្ពុជា ត្រូវបានអនុវត្តដោយកម្មវិធីអភិវឌ្ឍន៍ជំនាញ (SDP) នៃអង្កការ ស្វីសខន់ថាក់ (Swisscontact) ជាគម្រោងគាំទ្ររបស់ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) នៅខេត្តគោលដៅចំនួន១០ មានដូចជា៖ ខេត្តព្រះវិហារ ស្ទឹងត្រែង ក្រចេះ រតនគិរី មណ្ឌលគិរី បាត់ដំបង ពោធិ៍សាត់ ប៉ៃលិន បន្ទាយមានជ័យ និងឧត្តរមានជ័យ៕