ស៊ីហ្គេមឆ្នាំ២០២៣! វិញ្ញាសាគុនខ្មែរ កីឡាករកម្ពុជា ដណ្ដើមបានមេដាយមាស ចំនួន៥ គិតត្រឹមរសៀលថ្ងៃទី១០ ខែឧសភានេះ

ភ្នំពេញ៖ ស៊ីហ្គេមឆ្នាំ២០២៣ លើវិញ្ញាសាគុនខ្មែរ កីឡាករកម្ពុជា ដណ្ដើមបានមេដាយមាស ចំនួន៥ហើយ គិតត្រឹមរសៀលថ្ងៃទី១០ ខែឧសភា ឆ្នាំ២០២៣នេះ។

កីឡាករទាំង៥នាក់នោះរួមមាន៖

១- កីឡាករ ម៉ាប់ ធារ៉ា ទទួលបានមេដាយមាសលើវិញ្ញាសាទំងន់៤៥ គីឡូក្រាម ក្រោយយកឈ្នះកីឡាករវៀតណាម Vo Nhuan Phong នៅវគ្គផ្តាច់ព្រ័ត្រ។

២- កីឡាករ ឡុង ពិសិដ្ឋ ឈ្នះមេដាយមាស លើវិញ្ញាសាទំងន់ ៤៨ គីឡូក្រាម ក្រោយយកឈ្នះកីឡាករវៀតណាម Duong Duc Bao នៅវគ្គផ្តាច់ព្រ័ត្រ។

៣/ កីឡាករខាំ ខ្លានាង បានឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៥១គីឡូក្រាម បន្ទាប់ពីបានយកឈ្នះកីឡាករវៀតណាម Le Cong Nghi នៅវគ្គផ្តាច់ព្រ័ត្រ។

៤/ កីឡាករ ហ៊ីម គឹមរៀង ដែលឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៥៤ គីឡូក្រាម ក្រោយយកឈ្នះកីឡាករឡាវ Soukna Keothatalat សន្លប់នៅទឹកទី២ នៅវគ្គផ្តាច់ព្រ័ត្រ។

៥/ កីឡាករ ឡៅ ចិត្រា ដែលឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៦៧គីឡូក្រាម ក្រោយយកឈ្នះកីឡាករវៀតណាម Chau Dat នៅវគ្គផ្តាច់ព្រ័ត្រ៕