ឧត្តមសេនីយ៍ទោ សិទ្ធិ ឡោះ នាំយកថវិកា ១៧លានរៀល ឧបត្ថម្ភដល់វរសេនីយ៍ទោ ចេក ឈុន នាយការិយាល័យរដ្ឋបាល ដើម្បីធ្វើផ្ទះរស់នៅសមរម្យ
ភ្នំពេញ៖ ដោយពិនិត្យឃើញពីការលំបាករបស់លោកវរសេនីយ៍ទោ ចេក ឈុន នាយការិយាល័យ រដ្ឋបាល នៃ ស្នងការដ្ឋាននគរបាលខេត្តបន្ទាយមានជ័យ និងក្រុមគ្រួសាររស់នៅនឹងផ្ទះដែលមានសភាពពុកផុយអាចនឹងប្រឈមគ្រោះថ្នាក់ផ្សេងៗ ក៏ព្រោះតែខ្វះខាតថវិកាសាងសង់ផ្ទះឲ្យបានសមរម្យនោះ ។ថ្ងៃទី១៩ ខែមេសា ឆ្នាំ ២០២៣ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ អមដំណើរដោយ លោកឧត្តមសេនីយ៍ វរសេនីយ៍ ស្នងការរង នាំយកថវិកា ចំនួន១៧លានរៀល ប្រគល់ជូនលោកវរសេនីយ៍ទោ ចេក ឈុន នាយការិយាល័យ រដ្ឋបាលនិងក្រុមគ្រួសារ ស្ថិតនៅភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
មានប្រសាសន៍នាឱកាសនោះ លោកឧត្តមសេនីយ៍ទោ សិទ្ធិ ឡោះ បានបញ្ជាក់ថា៖ដោយមើលឃើញពីកង្វះខាតថវិកាដើម្បីធ្វើផ្ទះរស់នៅបានសមរម្យ ។ លោកក៏បានផ្តួចផ្តើមដោយមូលមតិគ្នាជាឯកឆ័ន្ទពីថ្នាក់គណៈស្នងការរង និងមានការចូលរួមពីលោក លោកស្រី នាយ នាយរងការិយាល័យ លោកអធិការ អធិការរង លោកមេបញ្ជាការ មេបញ្ជាការរង និងមន្ត្រីនគរបាលទាំងអស់ កៀងគរប្រមូលថវិកាបានសរុបចំនួន១៧លានរៀល ដើម្បីធ្វើផ្ទះជូនលោកវរសេនីយ៍ទោ ចេក ឈុន និងក្រុម្រួសារបានរស់នៅសមរម្យ ។មួយវិញទៀតកន្លងមក លោកក៏បានឧបត្តម្ភម៉ូតូ០១គ្រឿង ដើម្បីជាមធ្យោបាយជួយសម្រួលដល់ការធ្វើដំណើរមកបំរើការងារនោះផងដែរ ។
ដើម្បីជាការឆ្លើយតបនូវគុណូបការៈដ៏ជ្រាលជ្រៅនេះ លោកវរសេនីយ៍ទោ ចេក ឈុន និងក្រុម្រួសារ បានថ្លែងអំណរគុណដល់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោក លោកស្រី ឧត្តមសេនីយ៍ វរសេនីយ៍ ស្នងការរង លោក លោកស្រី នាយ នាយរងការិយាល័យ លោកអធិការ អធិការរង លោកមេបញ្ជាការ មេបញ្ជាការរង និងមន្ត្រីនគរបាលទាំងអស់ ដែលបានចំណាយធនធានផ្ទាល់ខ្លួនជួយសាង់សង់ផ្ទះខ្ញុំបាទនិងក្រុមគ្រួសារបានរស់នៅសមរម្យ ៕
