ភ្នំពេញ៖ស្របពេលដែលប្រជាពលរដ្ឋនៅទូទាំងប្រទេស កំពុងតែអបអរសាទរនិងសប្បាយរីករាយបុណ្យចូលឆ្នាំថ្មីប្រពៃណីជាតិឆ្នាំថោះ បញ្ជស័ក ព.ស ២៥៦៧នេះ គ.ស២០២៣ នៅវត្តថ្មរមៀល ឃុំបន្ទាយឆ្មារ ស្រុកពួក ខេត្តបន្ទាយមានជ័យ ដែលជាវត្តមួយ មានទីតាំងស្ថិតនៅជាប់ជើងភ្នំដង ជិព្រំដែនកម្ពុជា-ថៃ ក៏បានរៀបចំសង្រ្កានចូលឆ្នាំថ្មី ក្រោមម្លប់នៃសន្តិភាព មានសន្តិសុខ សណ្តាប់ សុវត្ថិភាព ដែលមានពុទ្ធបរិស័ទ ប្រជាពលរដ្ឋទាំងចាស់ ទាំងក្មេង បានចូលរួមអបអរសាទរយ៉ាងអធិក អធម្មក្រៃលែង ក្នុងឱកាសបុណ្យចូលឆ្នាំថ្មីប្រពៃណីជាតិនេះ បន្ទាប់ពីបានខកខានអស់រយៈពេលជិត០៤ឆ្នាំមកហើយ ចាប់តាំងពីអំឡុងនៃការផ្ទុះចម្ងឺកូវីដនោះមក ។ នេះបើតាមសង្ឈដីការបស់ព្រះគ្រូរ៉េន ស៊ីណាត ព្រះរាជាគណៈកិត្តយសនិងជាទីប្រឹក្សាផ្ទាល់ព្រះឧត្តមសិលញាណធុល សុធា ព្រះមេគណខេត្តបន្ទាយមានជ័យ បានរៀបរាប់ប្រាប់អ្នកយកព័ត៌មានយើងនៅថ្ងៃទី១៥ ខែមេសា ឆ្នាំ២០២៣ ។
ព្រះអង្គបានមានសង្ឈដីកាបន្តថា៖ ក្រោយពីរាជរដ្ឋាភិបាល បានបើកយុទ្ធនាការចាក់ស្រោចវ៉ាក់សាំងជូនដល់ប្រជាពលរដ្ឋទូទាំងប្រទេស ជម្ងឺកូវីដបានស្ងប់ស្ងាត់ រាជរដ្ឋាភិបាលក៏បានបើកប្រទេសឡើងវិញ ។ប៉ុន្តែនៅ២០២២ នៅពុំទាន់ឲ្យមានកម្មវិធីបើកលេងសប្បាយនៅថ្ងៃបុណ្យចូលឆ្នាំនោះដែរ ។ ទើបតែក្នុងឆ្នាំ២០២៣នេះ ព្រះអង្គបានដឹកនាំនិងបង្កើតការសប្បាយរីករាយក្នុងវត្ត ជូនដល់ពុទ្ធបរិស័ទ ប្រជាពលរដ្ឋចំណុះជើងវត្ត ដែលក្នុងនោះ គឺមានការលេងល្បែងប្រជាប្រិយប្រពៃណីជាតិខ្មែរជាច្រើន ដើម្បីឲ្យប្រជាពលរដ្ឋរស់នៅជិតភ្នំដងរ៉ែក ជាយដែននេះបានចូលរួមសប្បាយរីករាយនិងអបអរសាទរថ្ងៃបុណ្យចូលឆ្នាំថ្មីនេះ ដូចប្រជាពលរដ្ឋនៅទូទាំងប្រទេស ស្របទៅនិងប្រទេសជាតិយើងមានសុខសន្តិភាពពេញលេញលើផ្ទៃប្រទេស និងរស់នៅក្រោមដំបូលសន្តិភាព ។
ព្រះអង្គរ៉េន ស៊ីណាត បានបញ្ជាក់ថា៖ល្បែងប្រជាប្រិយ៍ដែលបានរៀបចំលេងកម្សាន្តសប្បាយនោះ គឺមានការជិៈឆ្លងស្ពានឈើ , អង្គុយលើស្នួរដើមប្ញស្សីអង្កិលទៅវាយគ្នាធ្លាក់ទឹក , ឡើងសរសរខ្លាញ់ ,វាយក្អម ,រាំស្គរដៃ និងកីឡាប្រដាល់ក្មេងៗអាយុ១៦ឆ្នាំចុះ ផងដែរ ។
ទន្ទឹមនោះដែរ ប្រជាពលរដ្ឋ ដែលបានមកចូលរួមលេងកម្សាន្ត ក្នុងកម្មវិធីនោះ ក៏មានសេចក្តីសោមនស្សរីករាយក្រៃលែង ហើយក៏បានអរគុណសន្តិភាព បើគ្មានពួកសន្តិភាពក៏ពួកគាត់រស់នៅជិតព្រំដែនក៏គ្មានថ្ងៃនឹងសប្បាយរីករាយក្នុងពិធីបុណ្យចូលឆ្នាំនេះដែរ និងបានអរគុណដល់សម្តេចតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ដែលបានដឹកនាំប្រទេសកម្ពុជាឲ្យមានសុខសន្តិភាព និងអភិវឌ្ឍន៍រីកចម្រើន មកទល់សព្វថ្ងៃនេះ ៕
