អគ្គនាយកអង្គភាពសារព័ត៌មាន HOT News Asia ផ្ញើសារលិខិតអបអរសាទរ និងជូនពរឧកញ៉ា ហួត ឈឿន ក្នុងឱកាសជាប់ឆ្នោត ជាប្រធានសភាពាណិជ្ជកម្មខេត្តកំពង់ចាម អាណត្តិទី៣
ភ្នំពេញ៖ លោក ម៉ក់ ហ៊ាងរិទ្ធី អគ្គនាយកអង្គភាពសារព័ត៌មាន HOT News Asia បានផ្ញើសារលិខិតអបអរសាទរ និងជូនពរលោកឧកញ៉ា ហួត ឈឿន ក្នុងឱកាសជាប់ឆ្នោត ជាប្រធានសភាពាណិជ្ជកម្មខេត្តកំពង់ចាម អាណត្តិទី៣ ។
ខ្ញុំមានសេចក្តីសោមនស្សរីករាយក្រៃលែងដែលលោកឧកញ៉ា ត្រូវបានផ្តល់សេចក្តីទុកចិត្ត បោះឆ្នោតជ្រើសរើស ជាប្រធានសភាពាណិជ្ជកម្មខេត្តកំពង់ចាម អាណត្តិទី៣ ។
ការផ្តល់សេចក្តីទុកចិត្តចំពោះ លោកឧកញ៉ា ពីសំណាក់សមាជិក សមាជិកា ដោយបានផ្តល់នូវសំឡេងឆ្នោត គាំទ្រច្រើនលើសលប់ តាមរយៈការបោះឆ្នោត ដោយតម្លាភាព និងសុក្រឹត នាថ្ងៃទី២៨ ខែមីនា ឆ្នាំ២០២៣នេះ គឺពិតជាបានឆ្លុះបញ្ចាំងពីសមត្ថភាព ដឹកនាំប្រកបដោយប្រសិទ្ធភាព ភាពប៉ិនប្រសប់ ឈ្លាសវៃ មោះមុត និងក្រមសីលធម៌ខ្ពស់ ឈរលើទស្សនវិស័យវែងឆ្ងាយ ក្នុងអណត្តិកន្លងមក។
ខ្ញុំមានការជឿជាក់ចំពោះសមត្ថភាពដឹកនាំរបស់ លោកឧកញ៉ា សម្រាប់អាណត្តិបន្ទាប់នេះ ក្នុងការសម្រេចបាននូវសមិទ្ធិផលថ្មីៗបន្ថែមទៀត ជូនសភាពាណិជ្ជកម្មខេត្តកំពង់ចាម ។
លទ្ធផលបោះឆ្នោតនាថ្ងៃនេះសបញ្ជាក់ឲ្យឃើញផងដែរថាលោកឧកញ៉ា ពិតជាឥស្សរជនដ៏ឧត្តុង្គឧត្តមម្នាក់ក្នុងវិស័យឯកជន ដែលមានស្នាដៃដ៏ធំធេងក្នុងការរួមចំណែកជាមួយរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងការធ្វើឲ្យប្រទេសកម្ពុជាស្គាល់នូវការលូតលាស់ វិបុលភាព ឈរលើមូលដ្ឋាននៃសេដ្ឋកិច្ចទីផ្សារសេរី និងដំណើរការនៃលិទ្ធិប្រជាធិបតេយ្យ និងការគោរពសិទ្ធិមនុស្ស។
ក្នុងឱកាសដ៏រីករាយឧត្តុង្គឧត្តមនេះ ខ្ញុំសូមជូនពរ លោកឧកញ៉ា ទទួលបាននូវសេចក្តីសុខ សុភមង្គល និងសូមបានប្រកបនូវពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
