បរទេស៖ តុលាការបេឡារុស្សបានកាត់ទោសលោក Ales Bialiatski អ្នកតស៊ូមតិសិទ្ធិមនុស្សកំពូលរបស់ប្រទេសបេឡារុស និងជាអ្នកឈ្នះរង្វាន់ណូបែលសន្តិភាពឆ្នាំ ២០២២ ឱ្យជាប់ពន្ធនាគាររយៈពេល ១០ឆ្នាំ។
លោក Bialiatski និងឥស្សរជនកំពូលបីនាក់ផ្សេងទៀតនៃមជ្ឈមណ្ឌលសិទ្ធិមនុស្ស Viasna ដែលលោកបានបង្កើតត្រូវបានកាត់ទោសពីបទផ្តល់ហិរញ្ញប្បទានដល់ការតវ៉ាប្រឆាំងរដ្ឋាភិបាល។
ពួកគេត្រូវបានចាប់ខ្លួន និងដាក់គុកបន្ទាប់ពីការតវ៉ាដ៏ធំជុំវិញការបោះឆ្នោតឆ្នាំ ២០២០ ដែលបានផ្តល់ឱ្យប្រធានាធិបតី Alexander Lukashenko កាន់តំណែងថ្មី។ ប្រធានាធិបតី Lukashenko កាន់តំណែងតាំងពីឆ្នាំ ១៩៩៤ បានបង្ក្រាបក្រុមប្រឆាំង និងបង្ក្រាបប្រព័ន្ធផ្សព្វផ្សាយព័ត៌មានឯករាជ្យ។
ការចោទប្រកាន់លើលោក Bialiatski និងសហការីរបស់គាត់ត្រូវបានផ្សារភ្ជាប់ទៅនឹងការផ្តល់ប្រាក់របស់ Viasna ដល់អ្នកទោសនយោបាយ និងជួយបង់ថ្លៃផ្លូវច្បាប់របស់ពួកគេ។
Sviatlana Tsikhanouskaya មេដឹកនាំចលនាប្រឆាំងបេឡារុស្សបានរិះគន់ “អយុត្តិធម៌ដ៏គួរឱ្យអាម៉ាស់” នៃការកាត់ក្តីលោក Bialiatski ។
