ភ្នំពេញ៖ រដ្ឋបាលស្រុកកោះញែក នាព្រឹកថ្ងៃសុក្រ ៦កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមករា ឆ្នាំ២០២៣ បានរៀបចំពិធីចូលកាន់មុខតំណែង អភិបាលរង នៃគណៈអភិបាលស្រុកចំនួន ២រូប ក្រោមអធិបតីភាពឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី និងឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត។
ពិធីនេះក៏មានការអញ្ជើញចូលរួមពីសំណាក់ ឯកឧត្តមសមាជិកក្រុមប្រឹក្សាខេត្ត លោក អភិបាលរងខេត្ត នាយករងរដ្ឋបាលខេត្ត មេបញ្ជាការ បញ្ជាការរងកងកម្លាំងប្រដាប់អាវុធទាំង ៣ប្រភេទ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត និងអាជ្ញាធរស្រុកគ្រប់លំដាប់ថ្នាក់។
អភិបាលរង នៃគណៈអភិបាលស្រុកកោះញែក ដែលត្រូវបានប្រកាសចូលកាន់មុខតំណែងថ្មី រួមមាន៖
១. លោក យ៉ែន ច័ន្ទតុងហេង អភិបាលរងស្រុក
២. លោក សា ស្លីម អភិបាលរងស្រុក ៕
