ឧត្ដមសេនីយ៍ឯក ហែម ថេង បើកកិច្ចប្រជុំពិនិត្យ និងកែសម្រួលសេចក្ដីព្រាង សៀវភៅណែនាំស្ដីពីបែបបទនីតិវិធី សម្រាប់អនុវត្តចំពោះ ជនបរទេសអន្តោប្រវេសន្ត នៅកម្ពុជា

ភ្នំពេញ៖ នាថ្ងៃទី២៥ ខែមករា ឆ្នាំ២០២៣ នៅអគ្គនាយកដ្ឋានអន្តោប្រវេសន៍ បានបើកកិច្ចប្រជុំពិនិត្យ និងកែសម្រួលសេចក្ដីព្រាង សៀវភៅណែនាំស្ដីពីបែបបទនីតិវិធី សម្រាប់អនុវត្តចំពោះ ជនបរទេសអន្តោប្រវេសន្ត នៅព្រះរាជាណាចក្រកម្ពុជា និងខិត្តប័ណ្ណណែនាំស្តីពីកាតព្វកិច្ចជនបរទេសអន្តោប្រវេសន្ត ក្នុងព្រះរាជាណាចក្រកម្ពុជា ក្រោមអធិបតីភាព ឯកឧត្ដម ឧត្ដមសេនីយ៍ឯក ហែម ថេង អគ្គនាយករង នៃអគ្គនាយកដ្ឋានអន្តោប្រវេសន៍។

កិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន និងមន្រ្តីជំនាញពាក់ព័ន្ធ នៃនាយកដ្ឋានជនបរទេសអន្តោប្រវេសន្ត។

ជាកិច្ចចាប់ផ្ដើម ឯកឧត្ដម ឧត្តមសេនីយ៍ឯក ហែម ថេង បានមានប្រសាសន៍ បើកកិច្ចប្រជុំព្រមទាំងណែនាំបន្ថែមនូវខ្លឹមសារមួយចំនួនទាក់ទងសេចក្ដីព្រាងសៀវភៅណែនាំស្ដីពីបែបបទនិតិវិធី និងគោរពរាយការណ៍ជូនឯកឧត្ដម នាយឧត្តមសេនីយ៍ អគ្គនាយក
ដើម្បីរៀបចំប្រជុំត្រួតពិនិត្យសៀវភៅណែនាំនេះបញ្ចប់។ ឯកឧត្ដម ឧត្តមសេនីយ៍ឯក ហែម ថេង ក៏បានអនុញ្ញាតឲ្យអង្គប្រជុំទាំងមូលចូលរួមប្រជុំពិភាក្សា។

ជាកិច្ចបន្ទាប់ ឯកឧត្តម អគ្គនាយករង លោកប្រធាននាយកដ្ឋាន និងអង្គប្រជុំបានប្រជុំពិភាក្សា និងចូលរួមមតិយោបល់យ៉ាងផុលផុសនូវខ្លឹមសារផ្លូវច្បាប់មួយចំនួន ដែលជាធាតុចូលសំខាន់ៗ ក្នុងការកែសម្រួលសេចក្ដីព្រាង សៀវភៅណែនាំស្ដីពីបែបបទនីតិវិធី សម្រាប់អនុវត្តចំពោះ ជនបរទេសអន្តោប្រវេសន្ត នៅព្រះរាជាណាចក្រកម្ពុជា និងខិត្តប័ណ្ណណែនាំស្តីពីកាតព្វកិច្ចជនបរទេសអន្តោប្រវេសន្ត ក្នុងព្រះរាជាណាចក្រកម្ពុជា។

ក្នុងឱកាសនោះ ឯកឧត្ដម ឧត្តមសេនីយ៍ឯក ហែម ថេង ក៏បានថ្លែងអំណរគុណ និងកោតសរសើរចំពោះក្រុមការងារ និងមន្រ្តីជំនាញពាក់ព័ន្ធ ដែលបានខិតខំប្រឹងប្រែង សិក្សាស្រាវជ្រាវ និងរៀបចំចងក្រងធ្វើសេចក្តីព្រាង សៀវភៅណែនាំស្ដីពីបែបបទនីតិវិធី សម្រាប់អនុវត្តចំពោះ ជនបរទេសអន្តោប្រវេសន្ត នៅព្រះរាជាណាចក្រកម្ពុជា និងខិត្តប័ណ្ណណែនាំស្តីពីកាតព្វកិច្ចជនបរទេសអន្តោប្រវេសន្ត ក្នុងព្រះរាជាណាចក្រកម្ពុជា ៕