ឯកឧត្តមបណ្ឌិត ម៉ាត់ សេត អញ្ជើញជាអធិបតីក្នុងពិធីបើកបវេសនកាលសិក្សាឆ្នាំ២០២២-២០២៣ នៅវិទ្យាល័យឯកជន កំពង់កែស ស្ថិតនៅភូមិកំពង់កែស ស្រុកទឹកឈូ ខេត្តកំពត
ភ្នំពេញ៖ ឯកឧត្តមបណ្ឌិត ម៉ាត់ សេត សមាជិកគណៈកម្មការទី៧ នៃរដ្ឋសភា និងជាតំណាងរាស្ត្រមណ្ឌលខេត្តកំពត និងឯកឧត្តម លី សារី សមាជិកព្រឹទ្ធសភា នាព្រឹកថ្ងៃទី៣ ខែមករា ឆ្នាំ២០២៣ បានអញ្ជើញជាអធិបតីអបអរសាទរពិធីបើកបវេសនកាលឆ្នាំសិក្សា២០២២-២០២៣ នៅវិទ្យាល័យឯកជន កំពង់កែស ស្ថិតនៅភូមិកំពង់កែស ឃុំត្រពាំងសង្កែ ស្រុកទឹកឈូ ខេត្តកំពត។
នាឪកាសនោះដែរ ឯកឧត្តមបណ្ឌិត ម៉ាត់ សេត បានអានសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ថ្លែងក្នុងឱកាសបើកបវេសនកាលឆ្នាំសិក្សា២០២២-២០២៣ ជូនអង្គពិធីទាំងមូល។
ជាមួយគ្នានេះដែរ ឯកឧត្តមបណ្ឌិត ម៉ាត់ សេត និងឯកឧត្តម លី សារី ក៏បានថ្លែងអំណរគុណចំពោះអាជ្ញាធរមូលដ្ឋាន ស្ថាប័នពាក់ព័ន្ធ លោកគ្រូ អ្នកគ្រូ ដែលបានយកចិត្តទុកដាក់ពូនជ្រំអភិវឌ្ឍន៍វិស័យអប់រំនៅសាលានេះទទួលបាននូវគុណភាព និងប្រសិទ្ធភាពខ្ពស់ និងស្នើអោយគ្រប់ភាគីពាក់ព័ន្ធបន្តជួយបន្ថែមទៀត និងផ្តាំផ្ញើអោយសិស្សានុសិស្សទាំងអស់ត្រូវខិតខំយកចិត្តទុកដាក់រៀនសូត្រឲ្យក្លាយខ្លួនជា កូនល្អ សិស្សល្អ និងមិត្តល្អ។
ក្នុងពិធីនេះ ឯកឧត្តមបណ្ឌិត ម៉ាត់ សេត បានឧបត្ថម្ភសម្ភារៈសិក្សាមួយចំនួនដល់សិស្សានុសិស្សទទួលជ័យលាភីប្រចាំថ្នាក់លេខ១ ដល់ លេខ៣ និងបានឧបត្ថម្ភគម្ពីរគួរអានចំនួន១២០ក្បាល សម្រាប់ប្រើប្រាស់នៅក្នុងសាលាផងដែរ។
ពិធីនេះមានការចូលរួមពី លោកអនុប្រធានមន្ទីរអប់រំ យុវជន និងកីឡាខេត្ត លោកប្រធានគណៈអ៉ីម៉ាំខេត្ត លោកអភិបាលរង ស្រុកទឹកឈូ លោកស្រីមេឃុំ ក្រុមប្រឹក្សាឃុំ លោកមេប៉ុស្តិ៍ត្រពាំងសង្កែ និងស្ថាប័នពាក់ព័ន្ធសម្ព័ន្ធយុវជនមុស្លិមកម្ពុជាខេត្ត ស.ស.យ.ក ព្រមទាំងអាណាព្យាបាលសិស្ស លោកគ្រូ អ្នកគ្រូ សិស្សានុសិស្សសរុបប្រមាណ៣៧៤នាក់៕
