រដ្ឋបាលខេត្តបាត់ដំបង ត្រៀមរៀបចំព្រឹត្តិការណ៍ពិព័រណ៍ ម្ហូបអាហារខេត្តបាត់ដំបង ក្នុងឱកាសអ បអរសាទរពិធីបុណ្យឆ្លងឆ្នាំសាកលឆ្នាំ២០២២-២០២៣ខាងមុខ

ភ្នំពេញ៖ ឯកឧត្តម សុខ លូ អភិបាលខេត្តបាត់ដំបងបានដឹកនាំកិច្ចប្រជុំ ដើម្បីត្រៀមរៀបចំនូវព្រឹត្តិកា
រណ៍នៃការដាក់តាំងបង្ហាញពិព័រណ៍ម្ហូបអាហារខេត្តបាត់ដំបង រយៈពេល០២ថ្ងៃ ក្នុងឱកាសអបអរសាទរនៃពិធីបុណ្យឆ្លងឆ្នាំសាកលឆ្នាំ២០២២
ឈានចូលឆ្នាំ២០២៣ខាងមុខ ដែលប្រព្រឹត្តិទៅចាប់ពីថ្ងៃទី៣០-៣១ខែធ្នូឆ្នាំ២០២២ឆាប់ៗខាងមុខនេះ។

កិច្ចប្រជុំនេះធ្វើឡើងនារសៀលថ្ងៃទី១៣ខែធ្នូឆ្នាំ២០២២ ដោយផ្តោតសំខាន់ ក្នុងការឆ្លងនូវពង្រាងគម្រោងប្លង់មេដែលទាក់ទិនផែនការស
កម្មភាពជាក់លាក់ក្នុងការកំណត់យកគោលដៅសម្រាប់ការរៀបចំនិងការប្រព្រឹត្តទៅ នៃសកម្មភាពចូលរួមរបស់ស្ថាប័ន មន្ទីរ អង្គភាព អាជ្ជាធរពាក់ព័ន្ធនិងបងប្អូនអាជីវករ ជាពិសេសពីម្ចាស់បណ្តាភោជនីយដ្ឋានក្នុងខេត្ត ដែលមានបំណងចូលរួមក្នុងការ ដាក់បង្ហាញម្ហូបអាហារដែលខ្លួនមាន និងល្បីសម្រាប់ទាក់ទាញដល់ភ្ញៀវទេសចរជាតិនិងអន្តរជាតិ ដែលបានចូលរួមកម្សាន្ត និងទស្សនាក្នុងឱកាសនេះ ផងដែរ។

ហើយអ្វីដែល ឯកឧត្តម សុខ លូ អភិបាលខេត្តបាត់ដំបង បានផ្តោតការចាប់អារម្មណ៍ និងបានជម្រុញដល់ស្ថាប័នមន្ទីរពាក់ព័ន្ធជាពិសេស
មន្ទីរវប្បធម៌ខេត្តនិងមន្ទីរទេសចរណ៍ខេត្ត ត្រូវតែនាំយកនូវមុខម្ហូបខ្មែរដែលបាត់បង់និងកំពុងតែមានការពេញនិយមល្បីៗនៅក្នុងខេត្ត ត្រូវយក
មកដាក់តាំងបង្ហាញនិងបំផុសអ្នកដែលមានថ្វីដៃក្នុងការចម្អិនដាំស្លប្រភេទមុខម្ហូបទាំងនោះឲ្យពួកគេបានចូលរួមតាមរយៈនៃការលើកទឹកចិត្តដើម្បីយកមកបង្ងាញឲ្យគេបានឃើញ បានដឹង បានស្គាល់ និងអាចភ្លក់រសជាតិ ពីម្ហូបខ្មែរ របស់អ្នកខេត្តបាត់ដំបងយើងបាន តាមរយៈពិព័រណ៍ម្ហូបនេះ។

តាមរយៈបទបង្ហាញនិងការលើកឡើងរបស់លោក អ៊ុចអ៊ុំ ភិនីស្សារ៉ា ប្រធានមន្ទីរទេសចរណ៍ខេត្តបាត់ដំបង បានថ្លែងឲ្យដឹងថា៖ នៅកម្ពុជាគឺមានមុខម្ហូបប្លែកៗទៅតាមតំបន់នីមួយៗ។ ហើយភាពសម្បូរបែបនិងភាពច្នៃប្រឌិតនិងថ្វីដៃនៃ
ការចម្អិនម្ហូបអាហារឲ្យមានឱរសជាតិឆ្ងាញ់ក៏សបញ្ជាក់ពីភាពស៊ីវិល័យ និងជាតឹកតាងដែលឆ្លុះបញ្ចាំងបង្ហាញនូវអត្តសញ្ញាណរបស់ប្រជាពល
រដ្ឋ ដែលរស់នៅតាមតំបន់នីមួយៗក្នុងប្រទេសកម្ពុជាយើង ផងដែរ។

លោកប្រធានមន្ទីរទេសចរណ៍ខេត្តបាត់ដំបងបានរៀបរាប់បន្ថែមថា៖ ជាការពិតណាស់ ខេត្តបាត់ដំបង គឺជាខេត្តមួយដែលមានប្រវត្តិសាស្ត្រ
វប្បធម៌ ទំនៀមទំលាប់យ៉ាងសម្បូរបែបតាំងពីដើមរៀងមក។ ហើយអ្វីដែលជាការកត់សម្គាល់ទៀតសោតនោះ គឺភ្ញៀវទេសចរភាគច្រើន ជាពិសេ
សភ្ញៀវទេសចរក្នុងស្រុក ពេលដែលឮពីឈ្មោះបាត់ដំបង គេតែងតែនឹកឃើញដល់បទចម្រៀងរបស់អធិរាជសម្លេងមាស ស៊ីន ស៊ីសាមុត ដែល
បានរៀបរាប់ពីមុខម្ហូបចំណីអាហារដ៏ឈ្ងុយឆ្ងាញ់ដែលអ្នកនិពន្ធបានចងក្រងនូវប្រវត្តិនៃមុខម្ហូបដ៏ពេញនិយមនិងឈ្ងុយឆ្ងាញ់ ដូចជា៖ អាម៉ុកត្រី,
ផ្អកត្រីប្រៃ,ណែមត្រី,ក្រូចពោធិសាត់, ដូងខ្ទិះ…ដែលមានឱជារសឆ្ងាញ់ពិសារ ហើយក៏ជាស្នាដៃថ្វីដៃរបស់អ្នកបាត់ដំបង រហូតពេលខ្លះបានទាក់
ទាញដល់ភ្ញៀវទេសចរឲ្យមកលេង ដើម្បីបានភ្លក់និងស្គាល់នូវរសជាតិ និងមុខម្ហូបខ្លះៗដែលបានរៀបរាប់ខាងលើផងដែរ។

តាមរយៈនូវព្រឹត្តិការណ៍ខាងលើនេះ រដ្ឋបាលខេត្តបាត់ដំបង គ្រោងរៀបចំឲ្យមានការដាក់តាំងពិព័ណ៌ផលិតផល ការសម្តែង សិល្បៈរបាំប្រពៃណីនិងរបាំប្រជាប្រីយ៍នៃមន្ទីរវប្បធម៌ខេត្តការសម្តែងសៀករបស់អង្គការហ្វាពន្កឺកម្ពុជា ការប្រគុំតន្ត្រីខ្នាតតូច-ធំ និងការអុជកាំជ្រួច ឆ្លងឆ្នាំ នៅរាត្រីថ្ងៃទី៣១ ខែធ្នូ ឆ្នាំ២០២២ ដើម្បីអបអរសាទរ ការឈានចូលឆ្នាំថ្មីឆ្នាំសាកល នារាត្រីថ្ងៃទី០១ខែម
ករា ឆ្នាំ២០២៣ ផងដែរ ៕