ភ្នំពេញ៖ ពិធីបួងសួងសុំសេចក្តីសុខរៀបចំ ដោយអាជ្ញាធរជាតិអប្សរាស ហការជាមួយវិស័យឯកជន ប្រព្រឹត្តទៅតាមទំនៀមបុរាណ ដោយមានការអញ្ជើញចូលរួមពី ឯកឧត្តម យិន ចាន់ដារដ្ឋ អគ្គនាយករងអាជ្ញាធរជាតិអប្សរា តំណាងឯកឧត្តម បណ្ឌិត ហង់ ពៅ អគ្គនាយក លោកជំទាវ ឧកញ៉ាកិត្តិបណ្ឌិត សៀង ចាន់ហេង អគ្គនាយកក្រុមហ៊ុនហេងអភិវឌ្ឍន៍ ។
ពិធីនេះក៏មានអាជ្ញាធរមូលដ្ឋាន មន្រ្តី បុគ្គលិកនៃអាជ្ញាធរជាតិអប្សរា អញ្ជើញអុជធូប ថ្វាយគ្រឿងសក្ការៈ និងបួងសួងផងដែរ ។ ពិធីក្រុងពាលីបើកការដ្ឋានជួសជុលចម្លាក់សត្វ មករ ស្ថិតនៅភូមិទឹកលិច ឃុំបេងមាលា ស្រុកស្វាយលើ ខេត្តសៀមរាប ដែលជាតំបន់ទេសចរណ៍ប្រវត្តិសាស្រ្ត នាថ្ងៃទី២ ខែធ្នូ ឆ្នាំ២០២២។
ការរៀបចំពិធីបួងសួង ប្រុងពលីដើម្បីសុំការអនុញ្ញាតពីម្ចាស់ទឹកម្ចាស់ដី វត្ថុស័ក្តិសិទ្ធិដែលថែរក្សាការជួសជុលចម្លាក់សត្វ មករ នៅទំនប់ទឹកមុជ ខាងត្បូងឈាងខាងកើតជួរភ្នំគូលែន ឱ្យរួចផុតពីហានីភ័យទុកជាកេរតំណែលសម្រាប់កូនចៅជំនាន់ក្រោយ៕
