ថ្នាក់ដឹកនាំ និងយោធិន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ៧០នាក់ ចូលរួមមិទ្ទីញ អបអរសារខួបអនុស្សាវរីយ៍លើកទី៤៤ ថ្ងៃកំណើររណសិរ្សសាមគ្គី អភិវឌ្ឍន៍មាតុភូមិកម្ពុជា

ភ្នំពេញ៖ ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ នៅថ្ងៃទី១ ខែធ្នូ ឆ្នាំ២០២២ បានដឹកនាំកងកម្លាំង នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចំនួន៧០នាក់ ចូលរួមក្នុងពិធីមិទ្ទីញ អបអរសារខួបអនុស្សាវរីយ៍លើកទី៤៤ ថ្ងៃកំណើររណសិរ្សសាមគ្គី អភិវឌ្ឍន៍មាតុភូមិកម្ពុជា នៅខេត្តកំពង់ធំ ដែលពិធីនេះប្រព្រឹត្តទៅក្រោមអធិបតីភាពឯកឧត្ដមបណ្ឌិត ជា ចាន់តូ សមាជិកក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ។

ឯកឧត្ដម ជា ចាន់តូ បានឡើងថ្លែងសុន្ទរកថារបស់សម្ដេចអគ្គមហាពញាចក្រី ហេង សំរិន ប្រធានរដ្ឋសភា និងជាប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ក្នុងឱកាសមិទ្ទីញមហាជនអបអរសាទរខួបអនុស្សាវរីយ៍ លើកទី៤៤ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា ២ធ្នូ ១៩៧៨ – ២ ធ្នូ ២០២២ ។

បន្ទាប់មកតំណាងអង្គមិទ្ទីញ បានឡើងមានចំណាប់អារម្មណ៍ និងប្ដេជ្ញាចិត្តដូចតទៅ៖

១- ប្តេជ្ញា! លើកកម្ពស់ស្មារតីថែរក្សាសាមគ្គីភាព ឯកភាពផ្ទៃក្នុង ប្រកាន់ខ្ជាប់ប្រពៃណី ស្នេហាជាតិ ផ្សារភ្ជាប់ជាមួយប្រជាជន យកអស់កម្លាំងកាយចិត្ត ដើម្បីអនុវត្តន៍ឱ្យបានជោគជ័យ រាល់ទិសដៅភារកិច្ចរបស់គណបក្ស និងរណសិរ្ស ពិសេសការកាត់បន្ថយភាពក្រីក្ររបស់ប្រជាជន ។

២- ប្តេជ្ញា! អប់រំប្រជាជន ពិសេសយុវវ័យជំនាន់ក្រោយ ឱ្យបានយល់ដឹង និងចងចាំជានិច្ច នូវអត្ថន័យដ៏ធំធេងនៃទិវាបង្កើតរណសិរ្ស ២ធ្នូ និងទិវា ៧មករា ដែលជាថ្ងៃកំណើតទី២ របស់ប្រជាជន កម្ពុជាគ្រប់រូប ហើយរួមគ្នាថែរក្សា និងពង្រីករាល់សមិទ្ធផលសង្គមជាតិ ឱ្យមានការអភិវឌ្ឍរីកចម្រើន ជារៀងរហូត ។

៣- ប្តេជ្ញា! គាំទ្រអនុវត្តន៍ឱ្យបានជោគជ័យ នូវគោលនយោបាយរបស់រាជរដ្ឋាភិបាល ក្រោមការដឹកនាំដ៏ត្រឹមត្រូវ និងចក្ខុវិស័យវែងឆ្ងាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឱ្យបានជាដាច់ខាត ។

៤- ប្តេជ្ញា! ប្រឆាំងដាច់ខាតចំពោះជនក្បត់ជាតិបីជំនាន់ដែលញុះញង់បង្កឱ្យមានអសន្តិសុខក្នុងសង្គម ។
៥- ប្តេជ្ញា! គាំទ្រយ៉ាងពេញទំហឹងចំណាត់ការរបស់រាជរដ្ឋាភិបាល ក្នុងការកំចាត់ចោល ជនក្បត់ជាតិបីជំនាន់ និងបក្សពួក ៕