មន្ត្រី ក.ប.ប. សាខាខេត្តព្រះវិហារ សៀមរាប ពោធិ៍សាត់ ស្វាយរៀង កណ្តាល និងភ្នំពេញ ចុះត្រួតពិនិត្យអនុលោមភាពនៃអាជីវកម្មប្រេងឥន្ធនៈ
ភ្នំពេញ៖ សាខា ក.ប.ប. ប្រចាំនៅរាជធានី ខេត្តទាំង៦ នៅថ្ងៃទី២១-២២ ខែវិច្ឆិកា ឆ្នាំ២០២២ បានដឹកនាំកម្លាំងជំនាញ ចុះត្រួតពិនិត្យអនុលោមភាពនៃអាជីវកម្មប្រេងឥន្ធនៈ ដែលស្ថិតនៅតាមទីតាំង និងទីប្រជុំជនសំខាន់ៗនៃរាជធានី ខេត្តខាងលើ តាមរយៈការប្រើប្រាស់ឧបករណ៍ត្រួតពិនិត្យប្រេងឥន្ធនៈ (PumpWatch)។
យោងតាមលទ្ធផលពីមន្ត្រីជំនាញ ដេប៉ូប្រេងឥន្ធនៈចំនួន ៣ទីតាំង ត្រូវបានរកឃើញថាពុំមានអនុលោមភាពផ្នែកបរិមាណ ក្នុងចំណោមស្ថានីយ ដេប៉ូសរុបចំនួន២៥ ដែលបានត្រួតពិនិត្យ។
ម្ចាស់អាជីវកម្មដែលប្រពឹ្រត្តល្មើសនឹងច្បាប់ ត្រូវបានមន្ត្រីជំនាញពិន័យអន្តរការណ៍ស្របតាមនីតិវិធី៕
