បណ្ឌិត ហ៊ុន ម៉ាណែត សម្តែងនូវការសោកស្តាយ និងមរណទុក្ខដ៏ក្រៀមក្រំជាទីបំផុត ចំពោះក្រុមគ្រួសារសព ដែលបាត់បង់កូនជាទីស្រលាញ់ ក្នុងឧបទ្ទវហេតុលិចទូកដ

ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បានសម្តែងនូវការសោកស្តាយ និងមរណទុក្ខដ៏ក្រៀមក្រំ ជាទីបំផុត ចំពោះក្រុមគ្រួសារសព ដែលបាត់បង់កូនជាទីស្រលាញ់ ក្នុងឧបទ្ទវហេតុលិចទូកដ នៅខេត្តកណ្តាល។

នៅក្នុងពិធីសម្ពោធដាក់ឱ្យប្រើប្រាស់ជាផ្លូវការមហាប្រាសាទព្រះគន្ធកុដិ និងសមិទ្ធផលនានា ក្នុងវត្តវេទ្បុវ័ន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាលនៅថ្ងៃទី១៥ ខែតុលា ឆ្នាំ២០២២ ឯកឧត្តម បណ្ឌិត ហ៊ុន ម៉ាណែត បានថ្លែងថា សូមយកឱកាសនេះសម្តែងនូវការសោកស្តាយ និងមរណទុក្ខ ដ៏ក្រៀមក្រំជាទីបំផុតជូនចំពោះក្រុមគ្រួសារនៃសព ក៏ដូចជាប្រជាពលរដ្ឋនៅទូទាំងស្រុកលើកដែក ខេត្តកណ្តាល ចំពោះការបាត់បង់នូវកូនក្មួយសិស្សានុសិស្សជាទីស្រលាញ់ក្នុងឧបទ្ទវហេតុលិចទូកដ ក្នុងភូមិកោះចំរើន ឃុំកំពង់ភ្នំ ស្រុកលើកដែក កាលពីថ្ងៃទី១៣ ខែតុលា ឆ្នាំ២០២២ កន្លងទៅ។

ជាមួយគ្នានោះ ឯកឧត្តម បណ្ឌិត សូមឧទ្ទិសបួងសួងឱ្យវិញ្ញាណក្ខន្ធរបស់ក្មួយៗបានទៅកាន់សុគតិភព កុំបីឃ្លៀងឃ្លៀតទ្បើយ។

សូមរំលឹកថា កាលយប់ថ្ងៃទី១៣ ខែតុលា ឆ្នាំ២០២២ មានករណីលិចទូកដ៏តក់ស្លុតមួយ ចំពោះសិស្សសាលាពេលពួកគេឆ្លងទូកចេញពីសាលាទៅកាន់លំនៅឋានរបស់ពួកគេ នៅភូមិកោះចម្រើន ឃុំកំពង់ភ្នំ ស្រុកលើកដែក ខេត្តកណ្តាល ហើយករណីលិចទូកចម្លងដឹក កូនសិស្សនេះ មានជនរងគ្រោះរួចផុតពីសេចក្តីស្លាប់ ៤នាក់ និងអ្នកស្លាប់១១នាក់៕