ឯកឧត្តម ម៉ាត់ សេត ប្រគល់អង្ករ ៦០០គីឡូក្រាម ជូនមជ្ឈមណ្ឌលអាន់នូរ អូរលួស

ភ្នំពេញ៖ ឯកឧត្តម ម៉ាត់ សេត សមាជិកគណៈកម្មការទី៧​ នៃរដ្ឋសភា និងជាតំណាងរាស្ត្រមណ្ឌលខេត្តកំពត ឯកឧត្តម សាឡេះ សេន ទីប្រឹក្សាជាន់ខ្ពស់នៃរដ្ឋសភា និងមានការចូលរួមពីគណៈអ៉ីម៉ាំខេត្តកំពត អាជ្ញាធរភូមិឃុំ គ្រូបង្រៀនខ្មែរឥស្លាម យុវជន សសយក សម្ព័ន្ធយុវជនមុស្លិមកម្ពុជាខេត្តកំពត នៅព្រឹកថ្ងៃទី៧ ខែតុលា ឆ្នាំ២០២២ បានជួបសំណេះសំណាលសួរសុខទុក្ខជាមួយគណៈគ្រប់គ្រង សិស្សានុសិស្ស នៃមជ្ឈមណ្ឌលអាន់នូរ អូរលួស ស្ថិតនៅភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត។

ក្នុងកិច្ចសំណេះសំណាលនេះ ឯកឧត្តម បានកោតសរសើរ ចំពោះមជ្ឈមណ្ឌលនេះដែលបានចូលរួមយ៉ាងសកម្មក្នុងការបណ្តុះបណ្តាលធនធានមនុស្ស និងបានផ្តល់កន្លែងស្នាក់នៅហូបចុក សម្រាប់សិស្សានុសិស្សក្នុងការសិក្សារៀនសូត្រ។

នាឱកាសនោះដែរ ឯកឧត្តម ក៏បានជម្រុញអោយសិស្សានុសិស្សទាំងអស់ត្រូវខិតខំយកចិត្តទុកដាក់រៀនសូត្រ ដើម្បីក្លាយខ្លួនជាពលរដ្ឋពេញលេញដើម្បីជាប្រយោជន៍ដល់សង្គមជាតិ។

បន្ទាប់មក ឯកឧត្តម ក៏បានឧបត្ថម្ភអង្ករចំនួន៦០០គីឡូក្រាម មីចំនួន១០កេះ សម្រាប់ផ្គត់ផ្គង់ការហូបចុករបស់សិស្សានុសិស្សផងដែរ ៕