ឯកឧត្តម ម៉ៅ ធនិន និងឯកឧត្តម ជឹង ផល្លា អញ្ជើញសំណេះសំណាល ជាមួយបងប្អូនកម្មករ កម្មការិនី នៅរោងចក្រឃីមីហ្គាមេន និងក្រុមហ៊ុន JIA CO.,LTD

ភ្នំពេញ៖ ឯកឧត្តមបណ្ឌិត ម៉ៅ ធនិន អភិបាលខេត្តកំពត និងឯកឧត្តម ជឹង ផល្លា ប្រធានក្រុមប្រឹក្សាខេត្ត នាថ្ងៃទី១៤ ខែកញ្ញា ឆ្នាំ២០២២ បានអញ្ជើញសំណេះសំណាលជាមួយបងប្អូនកម្មករ កម្មការិនី នៅរោងចក្រឃីមីហ្គាមេន និង ក្រុមហ៊ុន JIA CO.,LTD ដែលមានទីតាំងស្ថិតនៅ ភូមិរលួស សង្កាត់បឹងទូក ក្រុងបូកគោ ខេត្តកំពត។

រោងចក្រ សហគ្រាស គ្រឹះស្ថាន ដែលបានចូលរួមក្នុងពិធីសំណេះសំណាលនាព្រឹកនេះ មានចំនួន ០២ គ្រឹះស្ថាន គឺរោងចក្រឃីមីហ្គាមេន និង ក្រុមហ៊ុន JIA CO.,LTD ដែលមានកម្មករនិយោជិត សរុប ២,៤៩៥ នាក់ ស្រី ២,០៨៤នាក់ ។

-រោងចក្រឃីមីហ្គាមេន មានផ្ទៃដីសរុប ១៦,០០០ ម៉ែត្រការ៉េ អាគារផលិតកម្ម មានចំនួន ០៤អាគារ សកម្មភាពផលិត សំលៀកបំពាក់ មានសកម្មភាពនាំចេញទៅទ្វីប អឺរ៉ុប។

– ក្រុមហ៊ុន JIA CO.,LTD មានផ្ទៃដីសរុប ៤,៧០០ ម៉ែត្រការ៉េ អាគារផលិតកម្ម មានចំនួន ០២អាគារ សកម្មភាពផលិត ចាក់សំលៀកបំពាក់ មានសកម្មភាពនាំចេញទៅភ្នំពេញ។

សូមជម្រាបថាពិធីសំណេះសំណាលនាព្រឹកនេះ ក៏មានចាប់ឆ្នោតផ្សងសំណាងនូវរង្វាន់លើកទឹកចិត្តដល់កម្មករ កម្មការិនីសម្រាប់ពិធីបុណ្យភ្ជុំបិណ្ឌរួមមាន កំសៀវដាំទឹកចំនួន២៥រង្វាន់ ធុងទឹកកក្លាសេចំនួន០៦រង្វាន់ ឆ្នាំងដាំបាយ២៥រង្វាន់ កង្ហា៣៤រង្វាន់ កង់០២រង្វាន់ និងម៉ូតូ០៨រង្វាន់ ៕