ឧត្តមសេនីយ៍ទោ ប៉ែន ណាវណ្ណ អញ្ជើញ បិទវគ្គហ្វឹកហ្វឺន ពង្រឹងយោធានៅហ្នឹងកន្លែង ជូនដល់នាយទាហាន នាយទាហានរង និងពលទាហាន នៅទីបញ្ជាការតំបន់ប្រតិបត្តិការសឹករងពោធិ៍សាត់
ភ្នំពេញ៖ ឧត្តមសេនីយ៍ទោ ប៉ែន ណាវណ្ណ មេបញ្ជាការ តំបន់ប្រតិបត្តិការសឹករងពោធិ៍សាត់ នាព្រឹកថ្ងៃទី៤ ខែសីហា ឆ្នាំ២០២២ បានអញ្ជើញ ជាអធិបតីក្នុងពិធីបិទវគ្គហ្វឹកហ្វឺន ពង្រឹងយោធានៅហ្នឹងកន្លែងជូនដល់នាយទាហាន នាយទាហានរង និងពលទាហាន នៅទីបញ្ជាការតំបន់ប្រតិបត្តិការសឹករងពោធិ៍សាត់ អញ្ជើញចូលរួម មានមេបញ្ជាការរង នាយសេនាធិការ នាយសេនាធិការ រង មេបញ្ជាការវរសេនាតូចទាំង២ នាយការិយាល័យ នាយផ្នែក មេបញ្ជាការផ្នែកសឹករងក្រុង/ស្រុក ទាំង៧ និងនាយទាហានជាច្រើនរូបទៀត ។
មានប្រសាសន៍ក្នុងពិធីបិទវគ្គហ្វឹកហ្វឺន ពង្រឹងយោធានៅហ្នឹងកន្លែងជូនដល់នាយទាហាន នាយទាហានរង និងពលទាហាន នាឱកាសនោះ ឧត្តមសេនីយ៍ទោ ប៉ែន ណាវណ្ណ បានផ្តាំផ្ញើដល់សិក្ខាមទាំងអស់ដែលបានបញ្ចប់សូមយកចំណេះដឹងដែលបានចេះរៀនសូត្រកន្លងមកយកទៅអនុវត្តដើម្បីបម្រើជាតិមាតុភូមិអោយចំគោលដៅនិងបន្តកិច្ចខិតខំប្រឹងប្រែងបន្តទៀតដើម្បីទាំងក្នុងសាលានិងក្រៅសាលាសិក្សាស្វែងយល់បន្ថែមអ្វីដែលថ្មីដែលមានបច្ចេកវិទ្យាល្អទំនើបៗ សម្រាប់ប្រព័ន្ធការពារជាតិ ។
សូមបញ្ជាក់ថា តាមរបាយការណ៍ហ្វឹកហ្វឺនបានឲ្យដឹងថា វគ្គហ្វឹកហ្វឺននេះមានរយៈពេល៤៥ថ្ងៃចាប់ពីថ្ងៃទី ១៣ខែមិថុនាដល់ថ្ងៃទី ២៧ ខែកក្កដា ឆ្នាំ២០២២ ។ សិក្សាខ្លឹមសារមេរៀនរួមមាន៖ អប់រំចិត្តសាស្ត្រ លំហាត់របៀប បច្ចេកទេសអាវុធ អប់រំសុខភាព មានសិក្ខាកាមចំនួន ៥០នាក់ ៕
