ឯកឧត្ដម តាន់ ហ្សង់ហ្វ្រង់ស័រ៖ វត្តមានសម្តេចធិបតីនៅប្រទេសបារាំង បញ្ជាក់ថាកម្ពុជាជ្រើសយកទស្សនៈវិស័យពិភពលោកមួយ ដែលលើកតម្កើងពហុភាគីនិយម កិច្ចសន្ទនា និងការគោរពច្បាប់អន្តរជាតិ

ភ្នំពេញ៖ ឯកឧត្ដម តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការបរទេស បានបញ្ជាក់ថា តាមរយៈវត្តមានរបស់សម្តេចមហាបវរធិបតី ៣ថ្ងៃចុងក្រោយមកនេះ នៅសាធារណរដ្ឋបារាំង ដើម្បីចូលរួមក្នុងកិច្ចប្រជុំកំពូលអន្តរជាតិស្តីពីសុខភាពតែមួយ និងដើម្បីជួបបំពេញកិច្ចការងារជាប្រធានាធិបតីបារាំង ម៉ាក្រុង,  កម្ពុជាច្បាស់ណាស់ជ្រើសយកទស្សនៈវិស័យពិភពលោកមួយ ដែលលើកតម្កើងពហុភាគីនិយម កិច្ចសន្ទនា និងការគោរពច្បាប់អន្តរជាតិ។

ឯកឧត្ដម តាន់ ហ្សង់ហ្វ្រង់ស័រ បញ្ជាក់បែបនេះ នៅក្នុងសន្និសីទសារព័ត៌មាន ស្ដីពីការវិលត្រឡប់មកកម្ពុជាវិញ របស់សម្ដេចបវរធិបតី ហ៊ុន ម៉ាណែត ក្រោយបញ្ចប់ក្នុងកិច្ចប្រជុំកំពូល One Health Summit និងទស្សនកិច្ចការងារ នៅទីក្រុងប៉ារីស ប្រទេសបារាំង នៅថ្ងៃទី០៩ ខែមេសា ឆ្នាំ២០២៦។

សូមបញ្ជាក់ថា សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត បានអញ្ជើញចូលរួមកិច្ចប្រជុំកំពូលស្តីពីសុខភាពតែមួយ (One Health Summit) និងទស្សនកិច្ចការងាររយៈពេល៤ថ្ងៃ ចាប់ពីថ្ងៃទី០៦ ដល់០៩ ខែមេសា នៅប្រទេសបារាំង៕