ហ៊ានណាស់! ចូលប្លន់ទូរមាសក្នុងផ្សារទាំងកណ្ដាលថ្ងៃ តែត្រូវអាវុធហត្ថសៀមរាបឃាត់ខ្លួនបាន, ធ្វើតេស្ត៍ទឹកមូត្រ រកឃើញមានសារធាតុញៀន
សៀមរាប៖ នៅវេលាម៉ោង ប្រមាណ ១៤ និង៥២នាទី ថ្ងៃទី១៥ ខែកុម្ភៈ ឆ្នាំ២០២៦ មានករណី វាយទូរលក់មាស ប្លន់យកគ្រឿងអលង្ការ មួយកើតឡើង នៅក្នុង ផ្សារលើធំថ្មី ភូមិដកពោធិ៍ សង្កាត់ ស្លក្រាម ក្រុងសៀមរាប ខេត្តសៀមរាប បណ្តាលឲ្យមានការភ្ញាក់ផ្អើលកណ្តាលផ្សារដែលមិនធ្លាប់មានសោះកន្លងមក។ ភ្លាមៗ ផងដែរ ប្រជាពលរដ្ឋដែលបានឃើញហេតុការណ៍ បានរាយការណ៍ទៅ លេខទូរស័ព្ទ បន្ទាន់ (Hotline) 1296 របស់កងរាជអាវុធហត្ថខេត្ត សៀមរាប ដើម្បីសុំកិច្ចអន្តរាគមន៍។
បន្ទាប់ពី ទទួលបានព័ត៌មាន កម្លាំង អាវុធហត្ថ ក្រុងសៀមរាប និងកម្លាំង ការិយាល័យជំនាញ បានចេញអន្តរាគមន៍ ឃាត់ខ្លួនជនសង្ស័យ០១ នាក់ ដកហូតវត្ថុតាង ម៉ូតូ ០១គ្រឿង ទូរស័ព្ទ ០១គ្រឿង ញញួរ ០១ដើម កាំបិត តាំងតោ០១ដើម លោហធាតុពណ៌លឿងចំនួន០៣ខ្សែ បញ្ជូនទៅទីបញ្ជាការកងរាជអាវុធហត្ថខេត្ដសៀមរាប ដើម្បីអនុវត្ដន៍តាមនីតិវិធី ព្រមទាំងបានប្រគល់ ខ្សែដៃផ្លាកទីន ជូនជនរងគ្រោះវិញផងដែរ។
ជនសង្ស័យឈ្មោះ ឡេ សុភ័ក្រ ភេទប្រុស អាយុ ៤០ឆ្នាំត្រូវបានធ្វើតេស្ត៍ទឹកមូត្រ រកឃើញមានសារធាតុញៀន៕
