នាយកដ្ឋានប្រឆាំងបទល្មើសបច្ចេកវិទ្យា បើកវគ្គបណ្តុះបណ្តាល មូលដ្ឋានគ្រឹះ និងវិធីសាស្ត្រស្រាវជ្រាវបទល្មើសតាមប្រព័ន្ធបច្ចេកវិទ្យា ដល់កម្លាំងជំនាញនៃស្នងការដ្ឋាននគរបាលខេត្តកោះកុង

កោះកុង៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាថ្ងៃទី១១ ខែកុម្ភៈ ឆ្នាំ២០២៦ នៅស្នងការដ្ឋានខេត្តកោះកុង  លោក ឧត្តមសេនីយ៍ទោ រៀល សុភា តំណាងលោក ឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា បានដឹកនាំកម្លាំងជំនាញ បើកវគ្គបណ្តុះបណ្តាល មូលដ្ឋានគ្រឹះ និងវិធីសាស្ត្រស្រាវជ្រាវបទល្មើសតាមប្រព័ន្ធបច្ចេកវិទ្យា ដល់កម្លាំងជំនាញនៃស្នងការដ្ឋាននគរបាល ខេត្តកោះកុង ដោយមានការចូលរួមជាអធិបតី ពីលោក ឧត្តមសេនីយ៍ត្រី ស៊ុន ឃៀម តំណាងលោក ឧត្តមសេនីយ៍ទោ គង់ មនោ ស្នងការដ្ឋានខេត្តកោះកុង ដែលមានសិក្ខាកាម ដែលជា ស្នងការរង នាយ នាយរងការិយាល័យ អធិការ អធិការរងក្រុង ស្រុក នាយផ្នែក និង នាយរងផ្នែកព្រមទាំងមន្រ្តីចំនួន ៣៤រូប (ស្រី០៧នាក់)។

វគ្គសិក្សាដែលមានរយះពេលពីរថ្ងៃនេះ នឹងបំពាក់នូវជំនាញបន្ថែមដល់មន្រ្តីអនុវត្តច្បាប់ ក្នុងការធ្វើការស្រាវជ្រាវ បទល្មើសតាមបណ្តាញបច្ចេកវិទ្យានៅតាមមូលដ្ឋានរបស់ខ្លួន៕