លោក Scott Bessent ៖ ផ្នែកខ្លះនៃសេដ្ឋកិច្ចអាមេរិក ពិសេសវិស័យលំនៅដ្ឋាន ប្រហែលជាជួបវិបត្តិរួចហើយ ដោយសារតែអត្រាការប្រាក់ខ្ពស់

វ៉ាស៉ីនតោន៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៣ ខែវិច្ឆិកា ឆ្នាំ២០២៥ នៅក្នុងការអំពាវនាវជាថ្មីឱ្យធនាគារកណ្តាលអាមេរិក ពន្លឿនការកាត់បន្ថយអត្រាការប្រាក់ រដ្ឋមន្ត្រីហិរញ្ញវត្ថុ លោក Scott Bessent បាននិយាយថា ផ្នែកខ្លះនៃសេដ្ឋកិច្ចអាមេរិក ពិសេសវិស័យលំនៅដ្ឋាន ប្រហែលជាជួបវិបត្តិរួចហើយ ដោយសារតែអត្រាការប្រាក់ខ្ពស់។

ផ្ទះ កំពុងដាក់លក់ នៅ សហរដ្ឋ អាមេរិក គ្មានសន្ទុះទេក្នុង ខែ កញ្ញា កន្លងទៅ។ លោក Bessent គូសបញ្ជាក់ថា «ខ្ញុំគិតថាយើងស្ថិតក្នុងផ្នែកមួយដែលល្អ ប៉ុន្តែអាចមានវិស័យផ្សេងទៀតកំពុងធ្លាក់ចុះ ហើយធនាគារកណ្តាល បណ្តែតបណ្តោយឱ្យមានបញ្ហាច្រើន ជាមួយនិងគោលនយោបាយរបស់ខ្លួន»។

តាមលោក Bessent ទោះជាសេដ្ឋកិច្ចអាមេរិកទាំងមូលបន្តរឹងមាំ តែបញ្ហាអត្រាការប្រាក់ខ្ពស់ នៅតែរារាំងដល់ទីផ្សារអចលនទ្រព្យ។ វិស័យលំនៅដ្ឋានរងគ្រោះជាងគេពីវិបត្តិសេដ្ឋកិច្ច ដែលកំពុងប៉ះពាល់ដល់អតិថិជនមានចំណូលទាប ដោយសារតែពួកគេមានបំណុល។

គួរបញ្ជាក់ថា ប្រធានធនាគារកណ្តាលអាមេរិក លោក Jerome Powell កាលពីសប្តាហ៍មុន បានផ្តល់សញ្ញាថាធនាគារកណ្តាល ប្រហែលជាមិនកាត់បន្ថយអត្រាការប្រាក់ថែមទៀតទេ ដែលបណ្តាលឱ្យមានការរិះគន់យ៉ាងខ្លាំងពីលោក Bessent និងមន្ត្រីផ្សេងទៀតនៃរដ្ឋបាលលោក ត្រាំ៕