ញូវដេលី៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី២៧ ខែតុលា ឆ្នាំ ២០២៥ ដោយសារតែលំហូរ ចេញ នៃការវិនិយោគ បរទេស ជិត ១៧ពាន់ លាន ដុល្លារ នៅ ឆ្នាំ នេះ ឥណ្ឌា កំពុង បង្កើន ការ ធ្វើកំណែទម្រង់ វិស័យ ហិរញ្ញវត្ថុរបស់ខ្លួន ទ្វេដង ដើម្បីការពារ ដើមទុន និង បង្កើន ការ វិនិយោគ ក្នុង ប្រទេស ចំពេល មាន ក្តី បារម្ភ កាន់តែ ខ្លាំងចំពោះផលប៉ះពាល់ សេដ្ឋកិច្ច ពី ពន្ធ គយ របស់សហរដ្ឋអាមេរិក។
វិធានការជាច្រើន ដើម្បីពង្រឹងការចូលរួមរបស់បរទេស និងបង្កើនឥណទានត្រូវបានប្រកាសរួចហើយ ដោយធនាគារកណ្តាល និងនិយតករទីផ្សារឥណ្ឌា ក្នុងរយៈពេលប៉ុន្មានខែថ្មីៗនេះ។ វិធានការនោះរួមមាន ការពន្លឿនដំណើរការចុះបញ្ជីក្រុមហ៊ុន អនុញ្ញាឱ្យមូលនិធិបរទេស និងក្រុមហ៊ុនផ្តល់ប្រាក់កម្ចីបរទេសចូលមក សម្រួលច្បាប់អនុញ្ញាតឱ្យសាជីវកម្មខ្ចីប្រាក់ បានកាន់តែងាយស្រួល ហើយធនាគារផ្តល់ហិរញ្ញប្បទានរួមបញ្ចូលគ្នា។
តាមប្រភពពីអ្នកច្បាប់ និង ទីផ្សារ វិស័យ ផ្សេង ទៀត នៃ ការ បន្ធូរបន្ថយ បទប្បញ្ញត្តិ ក្នុង វិស័យ ហិរញ្ញវត្ថុ គិតជាទឹកប្រាក់ចំនួន ២៦០ពាន់ លាន ដុល្លារ របស់ ឥណ្ឌា កំពុង ស្ថិត ក្រោម ការ ពិភាក្សា ដែល នឹង ត្រូវ ដាក់ ចេញ ក្នុង រយៈពេល ៦ទៅ ១២ខែ ខាង មុខ។
អ្នកនាំពាក្យក្រុមប្រឹក្សាភិបាលមូលបត្រ និងផ្សារហ៊ុនឥណ្ឌា (SEBI) និយាយថា ខ្លួនបានដាក់ចេញនូវកំណែទម្រង់សំខាន់ៗ ចំនួន ១១សម្រាប់វិនិយោគិនបរទេស ដើម្បីបង្កើនលទ្ធភាពចូលមក និងបង្កើនសមត្ថភាពប្រកួតប្រជែងសកលរបស់ឥណ្ឌា។
គួរបញ្ជាក់ថា វិនិយោគិនបរទេសនៅឥណ្ឌា បានលក់ភាគហ៊ុនសុទ្ធជិត ១៧ពាន់លានដុល្លារនៅឆ្នាំនេះ បើប្រៀបធៀបទៅនឹងលំហូរចូល ១២៤លានដុល្លារក្នុងឆ្នាំ ២០២៤ និង ២០ពាន់លានដុល្លារក្នុងឆ្នាំ ២០២៣។ ការលក់ចេញនេះធ្វើឱ្យឥណ្ឌាក្លាយជាទីផ្សារអាស៉ី ដែលរងផលប៉ះពាល់ខ្លាំងបំផុត ជុំវិញការដកប្រាក់វិនិយោគ៕
