ក្រសួងសង្គមកិច្ច សហការជាមួយរដ្ឋបាលខេត្តបន្ទាយមានជ័យ បើកសិក្ខាសាលាពង្រឹងសមត្ថភាព ស្តីពីការអនុវត្តច្បាប់ស្តីពីយុត្តិធម៌អនីតិជន ការបង្វែរនិងការដោះលែងដោយមានលខណ្ឌសម្រាប់ អនីតិជនទំនាស់នឹងច្បាប់

បន្ទាយមានជ័យ៖ នៅសាលប្រជុំក្រុមប្រឹក្សាខេត្តបន្ទាយមានជ័យ ថ្ងៃទី១០ ខែកញ្ញា ឆ្នាំ២០២៥ មានរៀបចំសិក្ខាសាលាពង្រឹងសមត្ថភាព ស្តីពីការអនុវត្តច្បាប់ស្តីពីយុត្តិធម៌អនីតិជន ការបង្វែរនិងការដោះលែងដោយមានលខណ្ឌសម្រាប់ អនីតិជនទំនាស់នឹងច្បាប់ ក្រោមអធិបតីភាព ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា តំណាងឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជននិងយុវនីតិសម្បទា ដោយមានការចូលរួមពី លោក ស្រី រស់ សុផានី អភិបាលរងតំណាងឯកឧត្តមអ៊ុំ រាត្រី អភិបាលខេត្តបន្ទាយមានជ័យ និងតំណាងអយ្យការខេត្តលោក ភា ម៉ានិត អនុប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត រួមទាំងអង្គការដៃគូរ និងងអង្គភាពពាក់ព័ន្ធ។

ថ្លែងនាឱកាសបើកសិក្ខាសាលានេះ ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា បានគូសបញ្ជាក់ថា ច្បាប់ស្តីពីយុត្តិធម៌  អនីតិជន បានអនុម័តដាក់ឲ្យប្រើប្រាស់ក្នុងខែកក្កដា ឆ្នាំ២០១៦ ដែលច្បាប់នេះផ្តោតទៅលើចំណុចមួយចំនួន ៖ ១/-ការ ងារបង្វែរអនីតិជនចេញពីដំណាក់កាលនីមួយៗ នៃនីតិវិធីតុលាការ ដែលធ្វើឲ្យអនីតិជនជំនាស់និងច្បាប់មិនត្រូវបានចុះក្នុងបញ្ជីថ្កោលទោស ។ ២/-គាំទ្រការស្តារនីតិសម្បទាអនីតិជន ដែលត្រូវបានចោទប្រកាន់និងសម្រេចក្តីថាមានទោស តាមការបណ្តុះបណ្តាលវិជ្ជាជីវៈ អប់រំក្រៅប្រព័ន្ធ បំណិនជីវិត អប់រំផ្លូវចិត្ត សិល្បៈកម្សាន្តនិងធ្វើសមហរណកម្មទៅ្រសារនិងសហគមន៍វិញ ។ ៣/-គ្រប់គ្រងករណីអនីតិជនប្រព្រឹត្តបទល្មើសអាយុក្រោម១៤ឆ្នាំដែលមន្ត្រីនគរបាលយុត្តិធម៌ ត្រូវបានបញ្ជូនសំណុំរឿងទៅព្រះរាជអាជ្ញា ដើម្បីប្រឹក្សាយោបល់អប់រំ តម្រង់ទិសអនីតិជនក្លាយជាូនល្អ សិស្សល្អ សម្រប សម្រួលជាមួយគ្រួសារ សហគមន៍ ឲ្យអនីតិជនអាចរស់នៅប្រកបដោយសុវត្ថិភាព។

ឯកឧត្តមក៏បានបញ្ជាក់ថា ការអនុវត្តច្បាប់អនីតិជនមានក្រសួង៣ដែលពាក់ព័ន្ធមានតួនាទីសំខាន់រួមមាន៖ក្រសួងសង្មកិច្ច មានសមត្ថកិច្ចក្នុងការតែងតាំង ការទទួលស្គាល់និងគ្រប់គ្រងភ្នាក់ងារសង្គមកិច្ចនិងប្រតិបត្តិការងារ នៃនីតិវិធីគ្រប់គ្រងមណ្ឌលយុវនីតិសម្បទា ក្រសួងយុត្តិធម៌រៀបចំលិខិតបទដ្ឋានគតិយុត្តិនិងគោលការណ៍ណែនាំនិងក្រ សួងមហាផ្ទៃ អនុវត្តនីតិវិធីនគរបាលយុត្តិធម៌ដែលមានភាកិច្ចត្រួតពិនិត្យបទឧក្រិដ្ឋ បទមជ្ឈឹម កំណត់អត្តសញ្ញាណនិងចាប់ខ្លួនព្រមទាំងវត្ថុតាង។

ឯកឧត្តម សន សុផល បានមានប្រសាសន៍បញ្ជាក់បន្ថែមទៀតថា សិក្ខាសាលានេះពិតជាមានសារៈសំខាន់ក្នុង ការពង្រឹងសមត្ថភាពបន្ថែមទៀតដល់ភ្នាក់ងារសង្គកិច្ច  មន្ត្រីនគរបាលយុត្តិធម៌ និងមន្ត្រីពាក់ព័ន្ធទាំងអស់ទទួលបាននូវ ចំណេះដឹងថ្មីៗ  ដើម្បីពង្រឹងប្រសិទ្ធភាព ការអនុវត្តការងារយុត្តិធម៌អនីតិជនដែលក្រសួងសង្គមកិច្ច អតីតយុទ្ធជននិងយុវនីតិសម្បទា បានសហការជាមួយក្រសួង ស្ថាប័ន និងដៃគូអភិវឌ្ឍន៍ ពិសេសអង្គការជីវិតនៅកម្ពុជាបានរៀបចំសិក្ខាសាលាវគ្គបណ្តុះបណ្តាលនេះ និងសុំឲ្យសិក្សាកាមទាំងអស់ត្រូវយកកិចិត្តទុកដាក់ស្តាប់  លើកកជាសំណួរ ដើម្បីទទួល បានចំណេះដឹងនិងបទពិសោធន៍ល្អៗ ដែលទាក់ទងនិងការងារយុត្តិធម៌អនីតិជន៕