លោក ដូណាល់ ត្រាំ៖ ឥណ្ឌាបានឱ្យសំណើមកថា នឹងធ្វើឱ្យពន្ធគយអាមេរិកលើទំនិញរបស់ខ្លួន ធ្លាក់ដល់កម្រិតសូន្យភាគរយ
វ៉ាស៉ីនតោន៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី២ ខែកញ្ញា ឆ្នាំ ២០២៥ លោក ដូណាល់ ត្រាំ ប្រធានាធិបតីសហរដ្ឋអាមេរិក បាននិយាយថា ឥណ្ឌាបានឱ្យសំណើមកថា នឹងធ្វើឱ្យពន្ធគយអាមេរិកលើទំនិញរបស់ខ្លួន ធ្លាក់ដល់កម្រិតសូន្យភាគរយ។
ដោយហៅទំនាក់ទំនងអាមេរិកជាមួយឥណ្ឌាថា «ជាទំនាក់ទំនងតែម្ខាង» លោក ត្រាំ បានបញ្ជាក់តាមបណ្តាញសង្គម Truth Social ថា «ឥឡូវនេះ ពួកគេ (ឥណ្ឌា) បានផ្តល់សំណើមក ដើម្បីឱ្យមានកាត់បន្ថយពន្ធ ប៉ុន្តែវាយឺតពេលហើយ។ ពួកគេគួរតែធ្វើដូច្នេះតាំងពីយូមកហើយ»។
ស្ថានទូតឥណ្ឌានៅទីក្រុងវ៉ាស៉ីនតោន មិនទាន់ឆ្លើយតបទេ ជុំវិញការអត្ថាធិប្បាយរបស់លោក ត្រាំ ខណៈដែលពន្ធគយអាមេរិក ៥០ភាគរយលើទំនិញឥណ្ឌា បង្កើតបានជាសំណួរអំពីអនាគតនៃទំនាក់ទំនងរវាងប្រទេសទាំងពីរ។ ការកត់សម្គាល់របស់លោក ត្រាំ ក៏បានកើតមានឡើងចំពេលដែល លោកនាយករដ្ឋមន្រ្តីឥណ្ឌា Narendra Modi ស្ថិតនៅក្នុងប្រទេសចិន ហើយកំពុងបង្ហាញជាសាធារណៈអំពីសាមគ្គីភាព ជាមួយមេដឹកនាំចិន និងរុស្ស៉ី ចំពោះមុខសម្ពាធពាណិជ្ជកម្មពីទីក្រុងវ៉ាស៉ីនតោន៕
