លោក សុខ សាន្តតារ៉ា ថ្លែងថាមណ្ឌលសុវត្ថិភាពពោធិ៥០០០ដើម មានប្រជាពលរដ្ឋភៀសសឹកស្នាក់នៅចំនួន៥,៣៣១គ្រួសារ ស្មើនឹង១៩,៣៣១នាក់ ក្នុងនោះមានកុមារជាង៦,០០០នាក់ ដែលភាគច្រើនមកពីស្រុកគូលែន

ព្រះវិហារ៖លោក សុខ សាន្តតារ៉ា អភិបាលរងខេត្តព្រះវិហារ ទទួលបន្ទុកត្រួតពិនិត្យមើលមណ្ឌលសុវត្ថិភាពវត្តពោធិ៥០០០ដើម ក្នុងភូមិគូលែនត្បូង ឃុំគូលែនត្បូង ស្រុកគូលែន ថ្លែងថា មកដល់ថ្ងៃទី៦ ខែសីហា ឆ្នាំ២០២៥នេះ មណ្ឌលសុវត្ថិភាពពោធិ៥០០០ដើម មានប្រជាពលរដ្ឋភៀសសឹកស្នាក់នៅចំនួន៥,៣៣១គ្រួសារ ស្មើនឹង១៩,៣៣១នាក់ ក្នុងនោះមានកុមារជាង៦,០០០នាក់ ដែលភាគច្រើនមកពីស្រុកគូលែន។

លោកអភិបាលរងខេត្តព្រះវិហារ បានអះអាងថា សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត និងលោក គីម រិទ្ធី អភិបាលខេត្តព្រះវិហារ បានយកចិត្តទុកដាក់ខ្លាំងណាស់ តែងណែនាំចង្អុលបង្ហាញដល់ក្រុមការងារនៅទីនេះយកចិត្តទុកដាក់ខ្ពស់ចំពោះប្រជាពលរដ្ឋ ភៀសសឹកយកចិត្តទុកដាក់ទាំងស្បៀងអាហារ សុខភាពអនាម័យ សន្តិសុខ សុវត្ថិភាព ជាដើម។