ចក្រភពអុីស្រាអែល វាយប្រហារតំបន់អាកាស ដើម្បីបំផ្លាញមូលដ្ឋានអំណាចរបស់មេដឹកនាំខ្ពស់ Khamenei នៅអុីរ៉ង់

ទីក្រុងឌូបៃ)÷ ថ្ងៃព្រហស្បតិ៍ ទី១៩ ខែមិថុនា ឆ្នាំ២០២៥ ការវាយប្រហារដ៏ធំរបស់អុីស្រាអែល ទៅលើអុីរ៉ង់ មិនត្រឹមតែមានគោលបំណងបំផ្លាញការកែលម្អអាវុធនុយក្លេអ៊ែរ និងកាំជ្រួចនោះទេ។ តែគោលបំណងនៃការវាយប្រហារនេះគឺដើម្បីបំផ្លាញអំណាចនយោបាយរបស់មេដឹកនាំខ្ពស់អុីរ៉ង់ លោកអាលី ខាមេណេអុី (Ali Khamenei) ឲ្យជិតដល់ការរលាយបាត់។

នាយករដ្ឋមន្ត្រីអុីស្រាអែល លោកបេនយាមីន នេតានយ៉ាហ៊ូ (Benjamin Netanyahu) ចង់ឲ្យអុីរ៉ង់ខ្សោយដល់កម្រិតដែលត្រូវឲ្យធ្វើកិច្ចព្រមព្រៀងធំៗ៖ ការបោះបង់យកការកែលម្អអាវុធនុយក្លេអ៊ែរ, កាំជ្រួចបាល់ីស្ទីក និងការគាំទ្រក្រុមយោធាដទៃទៀតក្នុងតំបន់។

អុីស្រាអែលក៏បានពង្រីកគោលដៅវាយប្រហារ រួមមានទីស្ដីការរដ្ឋាភិបាល ដូចជា ការិយាល័យប៉ូលីស និងស្ថានីយ៍ទូរទស្សន៍រដ្ឋនៅទីក្រុងតេហេរ៉ង់។ គម្រោងវាយប្រហារមានរយៈពេលយ៉ាងហោចណាស់ពីរសប្តាហ៍។ ការវាយប្រហារនឹងបន្តរហូតដល់បំផ្លាញអស់ឃ្លាំងកាំជ្រួច និងសមត្ថភាពប្រយុទ្ធរបស់អុីរ៉ង់។

លោកដេននីស រ៉ូស (Dennis Ross), អតីតអ្នកបេសកកម្មអាមេរិកនៅមជ្ឈឹមបូព៌ា បង្ហាញថា អុីរ៉ង់កំពុងមានអារម្មណ៍ថាខ្លួនកំពុងស្ថិតក្នុងភាពងាយរងគ្រោះ។ ការវាយប្រហារនេះបានសម្លាប់មនុស្សជិតស្និទ្ធរបស់ខាមេណេអុី បំផ្លាញវត្ថុបញ្ចូលនុយក្លេអ៊ែរ និងគោលដៅយោធា។

សំខាន់គេបង្ហាញថា ប្រសិនបើរដ្ឋាភិបាលអុីរ៉ង់ដួលរលាយ អុីស្រាអែលក៏មិនសោកស្តាយនោះទេ។

សម្រាប់អាមេរិក ប្រសិនបើអុីរ៉ង់ផ្តល់ផ្លូវដ៏អាចទុកចិត្តបានសម្រាប់កិច្ចព្រមព្រៀង អ្នកដឹកនាំសហរដ្ឋអាមេរិកអាចនឹងទទួលយក។ តែខាងអាមេរិកត្រូវការជំនឿចិត្តនៃការលះបង់អស់សព្វគ្រឿងពាក់ព័ន្ធនឹងអាវុធនុយក្លេអ៊ែរ មុននឹងគាំទ្រកិច្ចសន្យាផ្អាកសង្រ្គាម។

ចំណុចសំខាន់បំផុតសម្រាប់អុីរ៉ង់ គឺត្រូវឲ្យមេដឹកនាំខ្ពស់ ខាមេណេអុី អាយុ៨៦ ឆ្នាំ អាចចេញផុតដោយគ្មានការប្រឡំមុខ។ ប្រសិនបើគេត្រូវបង្ខំចូលស្ថានភាពអាប់អួរ អាចនាំឲ្យមានសង្រ្គាមទូលំទូលាយ។

អត្ថបទពីកញ្ញា ហេង គីមជូ