ឯកឧត្តម ជា សុមេធី ទទួលជួបសំដែងការគួរសម និងពិភាក្សាការងារជាមួយឯកឧត្តម Bawitlung Vanlalvawna ឯកអគ្គរដ្ឋទូតឥណ្ឌា ប្រចាំព្រះរាជាណាចក្រកម្ពុជា
ភ្នំពេញ៖នាព្រឹកថ្ងៃទី២០ ខែឧសភា ឆ្នាំ២០២៥ នេះ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានទទួលជួបសំដែងការគួរសម និងពិភាក្សាការងារជាមួយឯកឧត្តម Bawitlung Vanlalvawna ឯកអគ្គរដ្ឋទូតឥណ្ឌា ប្រចាំព្រះរាជាណាចក្រកម្ពុជា នៅទីស្តីការក្រសួង។
នៅក្នុងជំនួបប្រជុំនេះ ឯកឧត្តមរដ្ឋមន្រ្តី បានស្វាគមន៍យ៉ាងកក់ក្តៅចំពោះវត្តមានឯកឧត្តមឯកអគ្គរដ្ឋទូតឥណ្ឌា ដែលបានអញ្ជើញមកជួបសម្តែងការគួរសម និងពិភាក្សាការងារជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា នាឱកាសនេះ។ ជំនួបប្រជុំបានផ្តោតការយកចិត្តទុកដាក់ពិភាក្សាលើកិច្ចសហប្រតិបត្តិការលើការងារសង្គមកិច្ច ពិសេសផ្តោតលើការងារបណ្តុះបណ្តាលអ្នកជំនាញសង្គមកិច្ច និងផ្នែកបច្ចេកវិទ្យាព័ត៌មាន។
កិច្ចប្រជុំនេះបានប្រព្រឹត្តិទៅដោយរលូន ប្រកបដោយបរិយាកាសរីករាយ និង ស្និទ្ធស្នាលបំផុត ដោយមានវត្តមានលេខាស្ថានទូត ជំនួយការទូតនិង ថ្នាក់ដឹកនាំ និងមន្រ្តីជំនាញរបស់ក្រសួង ចូលរួមផងដែរ៕
